Turk kinosining eng taniqli juftligi Burak O‘zchivit va Fahriye Evjen o‘g‘li Karan bilan tushgan surati bilan bo‘lishgan.
2020-yilda Dunyoning eng go‘zal ayoli deb topilgan Xande Erchel va uning “Eshigimni qoq” serialidagi hamkasbi hammaga Yangi yil kulgiga boy bo‘lishini tilagan.
Koronavirus bilan bog‘liq joriy qilingan cheklovlar sabab Turkiya aholisi, xususan, mashhur shaxslar ham Yangi yilni uyida, oila davrasida kutib oldi.
“Ijaraga sevgi” serialidagi roli bilan yaxshi tanish bo‘lgan aktyor Barish Arduch bir necha yildan beri uchrashib yuradigan Gupse Ozay bilan 2020-yilning yozida turmush qurdi. Netflix tomonidan suratga olinayotgan “Klub” nomli loyihadagi ishtiroki bilan ekranga qaytayotgan aktyor Yangi yilni uyida kutib oldi. Bayram bilan muxlislarini tabriklagan Barish, mushugi va ikki nafar yoqimtoy iti bilan tushgan suratini Instagram sahifasiga joylagan.
“Osiyo”, “Pul va gul ishqi” seriallaridagi roli bilan o‘zbek muxlislariga yaxshi tanish bo‘lgan Tuba Buyukustun, Yangi yil bayramini qizlari Maya va Toprak bilan birga nishonlagan. Suratlari bilan bo‘lishgan aktrisa 2020-yil u uchun dars bo‘lgani hamma qatori u ham ko‘p narsani o‘rganganini ta’kidlab, 2021-yil barchaning hayotiga go‘zallik va sevgi olib kelishini istashini qo‘shimcha qilgan.
Sayishman oilasi ham Yangi yilni uyida birgalikda kutib olgan.
Go‘kxan Alkan, Nesrin Javadzade bilan birga.
Ibrohim Chelikkol Yangi yilni rafiqasi, farzandi va do‘stlari bilan birga qarshilagan.
Juftlik Serdar Shanal va Ozgu Kaya ham Yangi yilni uyida birgalikda nishonlagan.
Jansu Tosun va Erkan Kolchak Kostendil farzandlari Marsel bilan birgalikda 2021-yilning boshlanishini kutib olgan.
“Fazilat xonim va uning qizlari” seriali roli bilan yaxshi tanish bo‘lgan Deniz Baysal. Yangi Yilni turmush o‘rtog‘i Barish Yurtchu bilan nishonlagan.
Turk seriallarining eng yaxshi ayol aktrisalaridan biri Ayda Aksel o‘g‘li va qizi davrasida Yangi yil kirib kelishini bayram qilgan.
Sevishgan juftlik Mert Yazidjiog‘lu va Afra Sarachog‘lu.
“Tong qushi” serialidagi bosh qahramonni gavdalantirgani bilan yaxshi tanish bo‘lgan aktrisa Demet Ozdemir “Turkiya ovozi” ko‘rsatuvida ishtirok etgan. Sahnada qo‘shiq aytib, raqsga tushgan Demet, surati bilan bo‘lishib, 2021-yilda sog‘lik, baxt va sevgi hamroh bo‘lishini tilagan.
Nur Fettaxog‘lu 2020-yilning 31-dekabr kuni qizi Elza bilan birga yasatilgan Yangi yil archasi yonida tushgan surati bilan bo‘lishgan.
Jan Yaman otasi bilan birga.
“Yaxshi va yomon kunda” serialida suratga tushgan Elchin Sangu ham Yangi yilni sevgilisi Yunus Ozdiken va yaqin dugonasi bilan uyida, bir xil futbolka kiygan holda kutib olgan.
Eda Ozerkan Ajar, Timur Ajar ham oilasi nomidan Yangi yil bilan barchani qutlagan.
Tolga Saritash va uning sevgilisi Zeynep Mayruk ham barchani Yangi yil bilan tabriklagan.
Mashhur xonanda Tarkan, raqamli platformadagi loyihalardan birining Yangi yil sonida ishtirok etish evaziga beriladigan million liradan bosh tortib, bayramni oila davrasida nishonlagan. 6 yildan buyon birinchi marta xonanda muxlislarini Yangi yil bilan qutlab, 2021-yil insoniyat uchun sevgi, umidga boy yil bo‘lishini tilagan.
Emine Gyulshe va Mesut Ozil ilk bor qizlari Edaning yuzi ko‘ringan foto bilan bo‘lishgan.
Ismoil Ege Shashmaz Yangi yilni Xande Unal bilan kutib olgan.
“Sevgi iztirobi” serialidagi roli bilan yaxshi tanish bo‘lgan Zerrin Tekindor ham muxlislarini Yangi yil bilan tabriklagan.
Izoh (0)