2020-yil butun dunyo uchun unutilmas hamda ko‘p yo‘qotishlarga boy yil bo‘ldi. Pandemiya davrida tibbiyot xodimlarining fidokorligi, tabiiy ofat qurbonlariga yordam berish uchun insonlarning birlashuvi – bularni uzoq davom ettirish mumkin. O‘tgan 12 oy ichida dunyo qay darajada o‘zgarganini quyidagi suratlarda tomosha qilish mumkin.
Yanvar
1-yanvar. Nyu-York aholisi Tayms-skverda Yangi yilni nishonlamoqda.
23-yanvar. Koronavirus o‘chog‘i hisoblangan Xitoyning Xubey viloyatidagi oziq-ovqat do‘koni.
Fevral
1-fevral. Himoya kiyimi va niqobdagi erkak Xitoyning Xubey provinsiyasidagi Uxan shahrida velosipedda yetkazib berish ishlarini amalga oshirmoqda. Koronavirusdan vafot etganlar soni 259, kasallanganlar soni 11000 ga yetdi. Kasallik AQSh, Kanada, Avstraliya, Yaponiya, Janubiy Koreya, Hindiston, Buyuk Britaniya, Germaniya va Fransiya kabi bir qator mamlakatlarda ham qayd etilgan.
9-fevral. Tarixda birinchi bora “Oskar” mukofoti ingliz tilida emas, balki Janubiy koreyalik rejissor Pon Jun Xo tomonidan yaratilgan “Parazitlar” filmiga nasib etdi. Shuningdek, u eng yaxshi rejissor va ssenariy mukofotlariga sazovor bo‘ldi.
Mart
11-mart. Nyu-York shtati Oliy sudi prodyuser Xarvi Vaynshteynni 5 ta ishdan 2 tasida aybdor deb topib, 23 yilga ozodlikdan mahrum qildi.
17-mart. Piza minorasi yaqinida sanitariya ishlarini olib borayotgan xodim.
31-mart. Shotlandiyaning Uels shahridagi kimsasiz ko‘chalarda yurgan tog‘ echkilari.
Aprel
3-aprel. Vashington shahridagi eng mashhur konsert joyi bo‘lgan Anthem binosiga “Biz buni yengib chiqamiz” nomli plakat joylashtirildi. Shuningdek, Oq uy COVID-19 pandemiyasi AQShda 100 mingdan 240 minggacha odam vafot etishi kutilayotganini ma’lum qildi.
13-aprel. Tailandlik hamshira va yangi tug‘ilgan chaqaloq.
May
7-may. Milliy hamshiralar uyushmasi Oq uy oldida 88 juft ayollar poyabzalini namoyish etdi. Bu namoyish AQShda koronavirusdan vafot etgan hamshiralarga bag‘ishlandi. Milliy hamshiralar uyushmasi vakillari hukumatdan barcha tibbiyot xodimlarini shaxsiy himoya vositalari va kompensatsiya to‘lovlari bilan ta’minlashni talab qildi.
29-may. 2020-yilning may oyida AQShda afroamerikalik Jorj Floyd politsiya tomonidan hibsga olinayotganda o‘ldirildi. Buning ortidan mamlakat bo‘ylab huquq tartibot organlari shafqatsizligi va irqiy tengsizlikka qarshi ommaviy norozilik namoyishlari avj oldi va Black Lives Matter (“Qora tanlilarning hayoti muhim”) harakati paydo bo‘ldi.
Iyun
1-iyun. Mushukcha Filippin temiryo‘l stansiyasidagi ijtimoiy masofani anglatuvchi belgi yonida. Mamlakatda karantin cheklovlari rasman yengillashdi va odamlar poyezdlarda saf tortib, boshqa shaharlarga ketmoqda. 80 kunlik qat’iy karantin tufayli millionlab filippinliklar ishsiz va boshpanasiz qoldi.
13-iyun. Qirolicha Yelizaveta II har yili Trooping the Color harbiy paradini o‘tkazadi. Xavfsizlik nuqtayi nazaridan parad odatdagidan ko‘ra soddaroq tarzda o‘tkazildi. Qirol oilasi a’zolaridan faqat Yelizaveta II qatnashdi.
Iyul
1-iyul. Rossiyada Konstitutsiyaga o‘zgartirishlar kiritish bo‘yicha ovoz berish yakunlanmoqda. Saylov uchastkalari yopilganidan so‘ng e’lon qilingan natijalarga ko‘ra, tuzatishlarni saylovchilarning 71,2 foizi qo‘llab-quvvatladi, 28,3 foizi esa qarshi chiqdi.
9-iyul. Prezidentlikka nomzodini qo‘ygan Jo Bayden Pensilvaniyada o‘sgan uyi oldida tiz cho‘kdi.
Avgust
4-avgust. Beyrut portida ikkita kuchli portlash sodir bo‘ldi. O‘nlab insonlar halok bo‘ldi, jarohatlanganlari esa yuzlab odamlarni tashkil etdi.
19-avgust. Kaliforniyada yong‘in. Anomal issiqlik va chaqmoq falokat kelib chiqishining asosiy sababi hisoblanib, favqulodda holat rejimi joriy etildi.
Sentabr
2-sentabr. Gollandiyalik bolalar dunyodagi boshqa bolalar singari masofaviy o‘qitish va yozgi ta’tildan so‘ng maktabga qaytmoqda. Ular barcha xavfsizlik choralariga rioya qilishi shart.
20-sentabr. Liza Kudrou, Jennifer Eniston va Kortni Koks “Emmi” mukofotlari boshlovchisi bilan videoaloqada. Bu yil mukofot topshirish marosimi onlayn tarzda o‘tkazildi.
Oktabr
2-oktabr. AQSh prezidenti Donald Tramp va uning rafiqasi Melaniyada koronavirus aniqlandi. AQSh rahbari mamlakatning Uolter Rid milliy harbiy tibbiyot markaziga davolanishga yuborildi.
Noyabr
4-noyabr. Jo Baydenni qo‘llab-quvvatlovchi va Donald Trampga ovoz bergan odamlar o‘rtasidagi nizo. AQShda 2020-yil prezident saylovlariga ovoz berish bilan tugaydi.
21-noyabr. Parijliklar hukumat tomonidan yaqinda qabul qilingan global xavfsizlik to‘g‘risidagi qonun loyihasiga qarshi norozilik bildirmoqda.
27-noyabr. Minglab Kashmir musulmonlari Dastgir Sohib ibodatxonasida.
Dekabr
2-dekabr. Nyu-Yorkning Yangi yil uchun bezatilgan ko‘chalari.
6-dekabr. Qorbobo libosidagi odam Berlindagi daryoda. Bu yil Germaniyada Yangi yil savdo shoxobchalari bekor qilindi.
6-dekabr. Kichkintoy Vashingtondagi ulkan shaffof pufakcha ichida o‘tirgan Qorboboga qo‘lini uzatmoqda.
11-dekabr. Argentinalik ayollar xursandchilik qilmoqda. Chunki homiladorlikning 14-haftasigacha bo‘lgan abortni rasmiylashtirish to‘g‘risidagi qonun Senatga taqdim etiladi. Avvalroq prezidentning o‘zi qonun loyihasini qo‘llab-quvvatlagan edi.
13-dekabr. Texas shtatidagi meteoritli yomg‘ir.
15-dekabr. Bolalar Qizil maydonda qor o‘ynamoqda.
Izoh (0)