WMO xalqaro meteorologiya tashkiloti 2021-yil taqvimi tanlovida g‘oliblikni qo‘lga kiritgan suratlarni e’lon qildi. Suratlar World Meteorological Organization’ning Facebook’dagi sahifasiga joylashtirilgan.
“Qisqa ro‘yxatdan o‘rin olgan 70 ta surat orasidan meteorolog va WMO suratkashlar hay’atining ovoz berish jarayonlari natijasiga ko‘ra, taqvim uchun 13 ta surat tanlab olingan (har bir oy uchun bittadan va muqovaga)”, — deyiladi xabarda.
WMO’dagilarning ta’kidlashicha, tanlovga mingdan ortiq surat yuborilgan bo‘lib, saralashni amalga oshirish juda qiyin kechgan. Tashkilot tanlov finaliga chiqishga muvaffaq bo‘lgan suratlarni imkoni boricha ko‘proq e’lon qilishga va’da bergan.
Avvalroq Earth Photo – Xalqaro Yer suratlari tanlovi 2020-yil g‘oliblarini aniqlagani to‘g‘risida xabar berilgandi.Mavzuga doir: 2020-yilning eng yaxshi qushlar suratlari aniqlandi (foto)
