Avstriyada uydan tashqariga chiqish, xizmat ko‘rsatish tashkilotlari faoliyati hamda Yangi yil tadbirlarini o‘tkazishga cheklovlar joriy etildi. Avstriya kansleri Sebastyan Kursning so‘zlariga ko‘ra, yangi choralarning qo‘llanilishi ommaviy vaksinatsiya boshlangunga qadar kasallanish holatlarini kamaytirish maqsadida joriy etilmoqda, deb xabar beradi “RBK”.
Lokdaun yoz fasliga mo‘ljallangan “normal hayot tarziga qaytish” kompleks choralarining birinchi bo‘g‘iniga aylanadi. Kursning ta’kidlashicha, hozirda Avstriyadagi vaziyat Yevropaning boshqa mamlakatlariga qaraganda yengilroq, kasallanish holatlari kamaygan, biroq hamon “yuqori darajada” qolmoqda. Ob-havo sharoitlari — past harorat va quyosh nurining yetarli emasligi vaziyatni istalgan vaqtda yomonlashtirib yuborishi mumkin.
Shunday qilib, 26-dekabrdan 18-yanvarga qadar quyidagi cheklovlar amalda bo‘ladi:
- Kun davomida uyni tark etish taqiqlanadi, faqat ishga, oziq-ovqat mahsulotlarini xarid qilish uchun, sport bilan individual shug‘ullanish yoki boshqa bir insonga yordam ko‘rsatish maqsadida chiqish mumkin;
- Xizmat ko‘rsatish sohasidagi tashkilotlar, restoran va mehmonxonalar yopiladi;
- Kundalik ehtiyojlar uchun zarur bo‘ladigan mahsulotlar bilan savdo qiluvchi do‘konlar, jumladan, oziq-ovqat do‘konlari, dorixona va po‘chta bo‘linmalaridan boshqalari yopiladi;
- Madaniyat muassasalari faoliyati to‘xtatiladi, masalan, muzeylar;
- Yangi yil bazmlarini o‘tkazish taqiqlangan va 31-dekabr kungi ommaviy mushakbozlik bekor qilingan;
- Binolar ichida sport bilan shug‘ullanish taqiqlangan;
- Maktablarda o‘qish masofadan turib davom ettiriladi, katta sinf o‘quvchilari uchun qisqa muddatli uchrashuvlar tashkil etiladi, masalan, ular imtihon topshirish uchun maktabga keladi.
Mavzuga doir:
Izoh (0)