Bugun,

  • USD 11095.31
  • RUB 173.84
  • EUR 10772.44

O‘zbekiston Davlat aktivlarini boshqarish agentligi Coca-Cola Ichimligi Uzbekiston Ltd MChJ ustav kapitalidagi 57,118 foiz ulushini oshkora sotuv jarayoni orqali sotish istagini e’lon qildi.

Foto: “Daryo”

Foto: “Daryo”

Ushbu bitim doirasida Davlat aktivlarini boshqarish agentligining eksklyuziv moliyaviy maslahatchisi vazifasini Rothschild & Cie bajaradi.

Coca-Cola Ichimligi Uzbekiston Ltd MChJning bozordagi ulushi 2019-yilda qariyb 47 foizni tashkil etgan bo‘lib, O‘zbekistondagi gazlangan alkogolsiz ichimliklarning eng yirik ishlab chiqaruvchisi hisoblanadi.

Coca-Cola Ichimligi Uzbekiston Ltd’ning ishlab chiqarish quvvatlari Toshkent, Namangan va Urganchdagi uchta korxonadan iborat. Shuningdek, jamiyat zamonaviy omborxonalar tarmog‘iga ega. Bundan tashqari, Samarqandda yangi korxonani qurish rejalashtirilgan.

2019-yil 31-dekabrda yakunlangan o‘n ikki oylik davrda jamiyatning daromadi 1,4 trillion so‘mni tashkil etgan va bu ko‘rsatkich 2018-yil 31-dekabr holati bo‘yicha qariyb 46 foiz o‘sishni ko‘rsatgan.

Ma’lumot uchun, MChJning ustav kapitalidagi 42,882 foiz ulush The Coca-Cola Export Corporation (AQSh) kompaniyasiga tegishli.

Eslatib o‘tamiz, 2018-yilda O‘zbekiston hukumati Coca-Cola Ichimligi Uzbekiston Ltd MChJ QKdagi ulushini xorijiy investorga sotmoqchi ekanligi ma’lum qilingan edi. Yevropa tiklanish va taraqqiyot banki bitimda vositachi sifatida ishtirok etishi kerak edi. Biroq keyinroq mamlakat hukumatining ustuvor rejalari o‘zgargani sabab jarayon to‘xtab qolgan edi. 2020-yilning mart oyida esa Coca-Cola O‘zbekistonga 31 million dollar investitsiya kiritishni rejalashtirayotgani, iyun oxirlarida esa Coca-Cola kompaniyasi ommaviy savdolar asosida xususiylashtirilishi to‘g‘risida xabar berilgandi. Shu yilning avgustida esa Coca-Cola’ning davlat ulushi ikkinchi marotaba sotuvga qo‘yilgandi.

Izoh
Asosiy yangiliklar
Mahalliy
O‘zbekistonda 175 kishining pasportiga IMEI kodlari noqonuniy ro‘yxatdan o‘tkazilgani aniqlandi
Mahalliy
Vazirlikning 8 mlrdga tushgan sayti, qashqadaryolik ota-o‘g‘ilning Toshkentni “lol qoldirgan” qilmishi: “Daryo”da hafta dayjesti
Mahalliy
Uy-ro‘zg‘or ishlari ayollarning iqtisodiy faolligini tushiradi: O‘zbek ayolining martabaga erishish imkoniyatlari tahlil qilindi