Botir Saidov Xorazm viloyati hokimining turizm va sportni rivojlantirish masalalari bo‘yicha o‘rinbosari lavozimiga tayinlandi. Bu haqda viloyat hokimligi axborot xizmati xabar berdi.
Botir Saidov 1975-yilning 13-avgustida Bog‘ot tumanida tug‘ilgan. 1997-yil Urganch davlat universiteti, 2006-yil O‘zbekiston Prezidenti huzuridagi Davlat va jamiyat qurilishi akademiyasini tamomlagan. Mutaxassisligi — agrobiznes, bozor iqtisodiyoti asoslari va tamoyillari.
Botir Saidov bugunga qadar “Xalq banki” Aktivlar monitoringi va muammoli aktivlar bilan ishlash kompleksi rahbari lavozimida ishlab kelayotgan edi.
Eslatib o‘tamiz, shu kunga qadar Xorazm viloyati hokimining turizm va sportni rivojlantirish masalalari bo‘yicha o‘rinbosari lavozimida ishlab kelgan Temur Davletov 17-dekabr kuni Xiva hokimi etib tayinlangandi.
Avvalroq Xorazm viloyatining Bog‘ot tumaniga vaqtinchalik hokim, Urganch va Xonqa tumanlariga yangi hokimlar tayinlangani to‘g‘risida xabar berilgandi.
Izoh (0)