Bugun,

  • USD 11095.31
  • RUB 173.84
  • EUR 10772.44

Qirg‘iziston Markaziy saylov komissiyasi Bishkekda ommaviy norozilik namoyishlari boshlanganishiga sabab bo‘lgan parlament saylovlari natijalarini haqiqiy emas deb topdi. Bu haqda “24.kg”ga tayanib Meduza xabar bermoqda.

Foto: Sputnik

Foto: Sputnik
Markaziy saylov komissiyasi a’zosi Gulnora Jo‘raboyevaning so‘zlariga ko‘ra, komissiya o‘zini o‘zi tarqatib yuborish masalasini ham muhokama qildi.

“Ushbu saylov kampaniyasi bilan biz o‘zimizni obro‘sizlantirdik va shuning uchun bu holatda eng yaxshi va to‘g‘ri qaror muddatidan oldin iste’foga chiqish to‘g‘risida qaror qabul qilish deb hisoblayman”, — degan u.

Eslatib o‘tamiz, Qirg‘izistonda parlament saylovi 4-oktabr kuni bo‘lib o‘tdi. Dastlabki ma’lumotlarga ko‘ra, parlamentda deputatlik o‘rniga ega bo‘lish uchun zarur bo‘lgan yetti foizlik dovondan to‘rtta partiya o‘ta olgan. Bunda parlamentdagi o‘rinlarning yarmini umumiy hisobda “Birimdik” va “Mekenim Qirg‘iziston” partiyalari egallagan. Qayd etilishicha, “Birimdik” partiyasi prezident So‘ronboy Jeenbekov oilasi bilan yaqin aloqalarga ega, ikkinchi partiya esa Qirg‘izistondagi  eng nufuzli kishilardan hisoblanadigan aka-uka Matraimovlar bilan bog‘liq.

Parlamentdan o‘ta olmagan 12 ta muholifatchi partya saylov natijalarini bekor qilishni talab qildi.

5-oktabr kuni Bishkekda parlament saylovi natijalaridan norozi bo‘lgan minglab odamlar namoyishga chiqdi. Militsiya xodimlari namoyishchilarni suv zambaraklari hamda yorug‘lik va shovqin chiqaruvchi granatalar yordamida tarqatib yuborgan. Biroq shu kuni kechasi namoyishchilar bir necha ma’muriy binolarni, xususan, parlament va prezident ma’muriyati joylashgan Oq uyni, meriya va hukumat binosini egalladi, sobiq prezident Atambayevni qamoqdan ozod qildi.

Norozilik namoyishlari fonida Bishkek shahriga namoyishchilar tomonidan yangi mer tayinlandi. Ammo shaharning rasmiy rahbari Aziz Surakmatov iste’fo haqida ariza yozganicha yo‘q. Mamlakatning amaldagi prezidenti So‘ronboy Jeenbekov sodir bo‘lgan voqealarni hukumatni noqonuniy egallashga urinish deb atadi.

Izoh
Asosiy yangiliklar
Sport
Braziliya Janubiy Koreyaga qarshi, Portugaliya esa Shveysariya bilan bahs olib boradi. JCH—2022 nimchorak finalning barcha juftliklari ma’lum bo‘ldi
Mahalliy
Mirobodda eng qimmat: Toshkentda noyabr oyi uchun uylar narxi tahlil qilindi
Mahalliy
“Ifloslantiruvchi to‘laydi” tamoyili, “yashil sertifikatlar”, energiya ulushini kamaytirish: Mirziyoyev “yashil” iqtisodiyot taqdimoti bilan tanishdi