Bugun,

  • USD 11095.31
  • RUB 173.84
  • EUR 10772.44

9-dekabr kuni Farg‘ona shahrida Qirg‘iziston bosh vazirining birinchi o‘rinbosari Artyom Novikov va O‘zbekiston bosh vazirining investitsiyalar va tashqi iqtisodiy aloqalar masalalari bo‘yicha o‘rinbosari Sardor Umurzoqov o‘rtasida ikki tomonlama uchrashuv bo‘lib o‘tdi, deya xabar beradi Qirg‘iziston hukumati matbuot xizmati.

Foto: Qirg‘iziston hukumati matbuot xizmati

Foto: Qirg‘iziston hukumati matbuot xizmati

Unda tomonlar ustav kapitali 50 million dollarga teng bo‘lgan qirg‘iz—o‘zbek investitsion jamg‘armasini tashkil qilishga va bojxona sohasini rivojlantirish bo‘yicha ishchi guruh shakllantirishga kelishib olishdi.

Ma’lum qilinishicha, uchrashuv yakunida ikki tomonlama hamkorlikni kengaytirish va chuqurlashtirish uchun Yo‘l xaritasini imzolash to‘g‘risida, bundan tashqari, 25-dekabrga qadar hamkorlikdagi investitsion loyihalar va sanoat kooperatsiyasi loyihalarini amalga oshirishga doir masalalarni ko‘rib chiqishga kelishuvlarga erishgan.

Shuningdek, uchrashuvda savdo-sotiqni kengaytirish va savdo darajasini oshirish uchun ikki mamlakat o‘rtasidagi transport va tranzit hamkorligini faollashtirish va ularning tranzit salohiyatidan o‘zaro manfaatli foydalanishga e’tibor berish kabi masalalar ko‘rib chiqilgan.

2020-yilning o‘tgan o‘n oyi davomida Qirg‘iziston tashqi savdo aylanmasi 736,3 million dollarni tashkil etgan, uning eksportdagi ulushi 622,4 million dollarga teng bo‘lsa, import — 113,9 million dollarni tashkil etgan.

Eslatib o‘tamiz, Qirg‘iziston tashqi ishlar vaziri Ruslan Kazakbayev boshchiligidagi delegatsiya 5—6-noyabr kunlari amaliy tashrif bilan O‘zbekistonda bo‘lishi xabar berilgan edi. 5-noyabr kuni O‘zbekiston tashqi ishlar vaziri Abdulaziz Komilov Ruslan Kazakbayev bilan uchrashib, siyosiy, savdo-iqtisodiy, investitsiya, transport-kommunikatsiya, suv xo‘jaligi va madaniy-gumanitar sohalarida O‘zbekiston–Qirg‘iziston hamkorligining hozirgi holati va uni yanada rivojlantirish istiqbollarini muhokama qilgan.

Izoh
Asosiy yangiliklar
Iqtisodiyot
O‘zbekiston 2022-yilda kartoshka sotib olishni kamaytirdi. Mahalliy yetishtirish esa oshgan 
Dunyo
Bayden Ukrainaga F-16 qiruvchilari yetkazib berilmasligini aytdi. Oq uy bunga izoh berdi
Kino
Mushuk Leopold obrazini yaratgan rassom Vyacheslav Nazaruk vafot etdi