Butun dunyoda anomal issiqlik kuzatilmoqda. Shifokorlar ko‘chaga chiqmaslikni, bosh kiyim kiyish va ko‘proq suyuqlik ichish kerakligini tavsiya qilmoqda. Ammo issiqda hamma ichimliklarni ham ichib bo‘lmaydi. Tashnalikni aniq nima bilan qondirishni va qanday ichimliklar organizmga zarardan boshqa hech qanday foyda keltirmasligini aytib beramiz.
Issiqda nima ichish mumkin?
Kuniga kamida 1,5 litr suyuqlik ichish kerak. Choy yetarli miqdorda antioksidantlarni o‘z ichiga oladi va sarflangan suyuqlik hajmini yaxshi to‘ldiradi. Uni ovqatdan keyin ichgan ma’qul.
Rezavor mevalardan tayyorlangan mors, olma yoki sitrus meva sharbatlari tarkibida organik kislotalar ko‘pligi tufayli chanqoqni juda yaxshi qondiradi.
Mineral suv. Issiqda organizm nafaqat suyuqlikni, balki mineral moddalarni ham yo‘qotadi, ular qisman mineral moddalar bilan to‘ldirilishi mumkin.
Tarkibida yog‘ miqdori kam bo‘lgan nordon sutli ichimliklar tarkibida organik kislotalar va suv bo‘lgani uchun chanqoqni juda yaxshi qondiradi. Ular tez so‘riladi, oqsillar va hayvon yog‘lari yetishmovchiligini to‘ldiradi, immunitetni mustahkamlaydi va ichak mikroflorasini normallashtiradi.
Quritilgan mevalardan tayyorlangan qaynatma tanadagi suv muvozanatini saqlashga yordam beradi, kaliy, magniy va temirni o‘z ichiga oladi, tanani toksinlardan tozalashga va ovqat hazm qilish tizimini yaxshilashga yordam beradi.
Vitaminlarga boy ichimliklar organizmni vitaminlar bilan to‘ldiradi, suvsizlanishdan qutqaradi.
Tetiklantiruvchi kvas — tarkibidagi karbonat kislotasi, aminokislotalar va ularning organizmda ushlanib qolish xususiyati tufayli chanqoqni ajoyib tarzda qondiradi. Bundan tashqari, kvas foydali moddalar: kalsiy, fosfor, magniy, B va C vitaminlari koni hisoblanadi.
Issiqda nima ichish mumkin emas?
Tarkibida shakar miqdori yuqori bo‘lgan gazlangan ichimliklar (shakar iste’molining sutkalik me’yori — 25 gramm)
Energetik ichimliklar
Spirtli ichimliklar
Bu ichimliklarning barchasi organizmning suvsizlanishiga sabab bo‘ladi.
Izoh (0)