Monarch Tractor kompaniyasi Kaliforniyada Smart texnologiyasi yordamida ishlaydigan dunyodagi birinchi to‘liq elektrotraktorni taqdim etdi. Bu haqda kompaniya matbuot xizmati xabar berdi.
Elektrotraktor haydovchisiz harakatlanishi, hosil haqidagi ma’lumotlarni tahlil qilishi va smartfon orqali boshqarilishi mumkin. Traktor quvvati 40 ot kuchiga (30 kVt) teng, qisqa muddatli eng yuqori quvvati 70 ot kuchiga (55 kVt) yetishi mumkin.
Traktordan yo‘ltanlamas sifatida, dala maydonlarida esa elektrogenerator o‘rnida foydalanish mumkin. Traktor egasi smartfon orqali amalga oshirilgan ishlar va kelgusidagi meteorologik sharoitlar to‘g‘risida ma’lumotlarni olib turadi.
Monarch Tractor dala maydonining holati bo‘yicha ma’lumotlarni to‘plab, tahlil qiladi va hosilni, uning o‘sishi hamda o‘simliklar sog‘lig‘ini baholaydi.
Traktorning boshlang‘ich narxi 50 ming dollarni tashkil etadi. Savdolar 2021-yilning kuzidan boshlanishi kutilmoqda.
Izoh (0)