Bugun,

  • USD 11095.31
  • RUB 173.84
  • EUR 10772.44

Sport, xususan, futbol olamiga qadam inson borki, vatani terma jamoasi sharafini himoya qilsam deydi. Biroq shunday futbolchilar ham borki, ular bir mamlakatda tug‘ilib, umuman boshqa yurt terma jamoasida o‘ynashni afzal biladi. Bugun aynan mana shunday futbolchilar haqida fikr yuritamiz.

Pepe

Foto: Twitter

Foto: Twitter

Zamonaviy futbolning eng agressiv himoyachilaridan biri Pepe Braziliya terma jamoasi sharafini himoya qilishi mumkin edi. Biroq u 18 yoshida ona yurtidan bosh olib, Portugaliya tomon yo‘l oladi. U yerda o‘tkazilgan 5 yillik hayotdan so‘ng Pepe hech ikkilanmay Portugaliya terma jamoasi sharafini himoya qilishga qaror qiladi. U bugungi kungacha jamoaning asosiy futbolchilaridan biri hisoblanadi va qator yutuqlarga ham erishgan.

Jerdan Shakiri

Foto: Sportbox

Foto: Sportbox

Jerdan asl vatani Kosovoda (janubi-sharqiy Yevropada joylashgan davlat) urush bo‘layotgan vaqtda dunyoga kelgan. O‘sha davrda Shakirining oilasi Shveysariyaga ko‘chib o‘tadi. Aytishlaricha, hech bir alban va kosovolik ushbu voqealarni eslashni xohlamaydi. Ehtimol, shuning uchun ham Jerdan Shakiri Shveysariyani tanlagandir. Nima bo‘lgan taqdirda ham bugungi kunda Shveysariyani “Liverpul” yarim himoyachisiz tasavvur qilish mushkul.

Tiago Alkantara

Foto: Twitter

Foto: Twitter

Tiago — turli madaniyatlarga yaqin inson hisoblanadi. Uning otasi taniqli futbolchi (Mazinyo) bo‘lganligi uchun oila doimiy ravishda bir joydan ikkinchisiga ko‘chib yurardi. Italiyada tug‘ilgan Tiago deyarli butun dunyoni kezib chiqqan. U futbol bilan shug‘ullanishni Rio-de-Janeyroda, “Flamengo”akademiyasida boshlaydi. Keyin esa oila Ispaniyaga ko‘chib o‘tadi va 2005-yildan 14 yoshli Alkantara “Barselona” akademiyasiga qabul qilinadi.

Milliy terma jamoa darajasida Tiago Italiya yoki Braziliya sharafini ham himoya qilishi mumkin edi, ammo u otasining g‘azabiga qaramay, Ispaniyani tanlaydi. Uning o‘zi ushbu tanlovini quyidagicha izohlaydi: “Men Ispaniyada katta bo‘lganman. Yana nima ham deyish mumkin?”

Diyego Kosta

Foto: Twitter

Foto: Twitter

Og‘ir xarakterga ega bo‘lgan asli braziliyalik Ispaniya terma jamoasi hujumchisi Kosta uchun o‘z vaqtida tom ma’noda kurash kechgan. Gap shundaki, Diyego ham Pepe singari Braziliyada dunyoga kelganiga qaramay, futbolchi sifatida boshqa yurtda (Ispaniyada) muvaffaqiyatga erishadi. Bu borada Kostaning o‘zi ham shunday fikrda:

“Men Braziliyada tug‘ilganman, lekin Ispaniya menga bor narsalarimning barchasini bergan”.

Miroslav Kloze

Foto: EPA

Foto: EPA

Polshalik muhojirlar oilasida dunyoga kelgan Kloze ota-otasining sportchi bo‘lishiga qaramay, bolaligida quruvchilikka yo‘naltiriladi. Biroq uning futbolga bo‘lgan muhabbati shu qadar kuchli bo‘ladiki, bir kun kelib, unga ikki mamlakat terma jamoasidan birini tanlash imkoniyati beriladi. Miroslav esa nemislar taklifini qabul qildi va debyut uchrashuvidayoq het-trik qayd etadi. Shundan keyin Kloze nomi terma jamoa bilan birgalikda o‘sib boraverdi va hatto Mundial g‘olibiga ham aylandi.

Ivan Rakitich

Foto: “Sport.net”

Foto: “Sport.net”

Rakitich Shveysariyada tug‘iladi va shu yerda futbol o‘ynashni boshlaydi. Hattoki mamlakat yoshlar terma jamoasida ham bir nechta uchrashuvlarda maydonga tushadi. Hamma narsa Rakitichning Shveysariyani xalqaro miqyosda himoya qilishiga qarab ketayotgandi, ammo terma jamoa murabbiylari uni asosiy jamoaga taklif etishni paysalga soldi. Ular buni anglab yetganida esa allaqachon kech bo‘lgandi, boisi bu paytga kelib, xorvatlar Ivanni o‘z safida to‘p surishga ko‘ndirib bo‘lgandi. Yakunda Rakitich aynan Xorvatiya bilan birgalikda mundial kumush medallariga ega chiqdi va mamlakat futboli tarixiga o‘z nomini yozdirib qo‘ydi.

Izoh
Asosiy yangiliklar
Mahalliy
O‘zbekistonning Istanbuldagi Bosh konsulxonasi Turkiyadagi fuqarolarga murojaat bilan chiqdi 
Mahalliy
O‘zbekistonda 7-fevral kuni 20 darajagacha iliq bo‘lishi kutilmoqda 
Mahalliy
O‘zbekistonda dollar kursi yana oshdi