Braziliyaning GOL aviakompaniyasi dunyoda birinchi bo‘lib, ikkita shunday samolyot halokatidan so‘ng to‘xtatilgan Boeing 737-8 MAX parvozlarini tikladi. Bu haqda 8-dekabr kuni aviatashuvchi matbuot xizmatiga asoslanib, “TASS” xabar bermoqda.
Yil oxiriga qadar ushbu rusumdagi yettita samolyotni kompaniyaga topshirish rejalashtirilgan.
Ta’kidlanishicha, samolyotni xizmatga qaytarishdan oldin kompaniya aviatsiya ishlab chiqaruvchisi bilan birgalikda Milliy fuqaro aviatsiyasi agentligi va AQSh Federal aviatsiya ma’muriyati talablariga muvofiq 140 nafar uchuvchini o‘qitgan. Birinchi parvozlar 9-dekabr kuni amalga oshirilishi rejalashtirilgan.
Eslatib o‘tamiz, 2019-yilning 10-mart kuni Ethiopian Airlines aviakompaniyasining Keniyaga uchayotgan Boeing 737-800 MAX samolyoti halokatga uchrashi oqibatida bortda bo‘lgan 149 nafar yo‘lovchi, shuningdek, sakkiz nafar ekipaj a’zosi halok bo‘lgan. 2018-yilning 29-noyabr kuni Lion Air aviakompaniyasining Boeing 737 yo‘lovchi samolyoti Jakarta aeroportidan havoga ko‘tarilganidan ko‘p o‘tmay halokatga uchrab, dengizga qulagan. Samolyot bortida 189 kishi bo‘lgan. Shulardan 181 nafari yo‘lovchi, 2 nafar uchuvchi hamda 6 nafar ekipaj a’zosi. Ularning barchasi halok bo‘lgan.
Avvalroq AQSh ham ushbu samolyotlar parvoziga ruxsat bergani haqida xabar berilgandi.
Izoh (0)