La Liganing noyabr oyidagi eng yaxshi o‘yinchisi aniqlandi
“Atletiko” hujumchisi Joau Feliks La Liganing noyabr oyidagi eng yaxshi o‘yinchisi deb topildi.
Portugaliyalik futbolchi noyabr oyida uchta o‘yin o‘tkazib, ikkita gol muallifiga aylandi. Ikki gol ham “Kadis”ga qarshi o‘yinda (4:0) qayd etilgan.
Ta’kidlash joiz, La Liga 31-oktabr kuni bo‘lib o‘tgan “Osasuna”ga qarshi bahsni (3:1) ham noyabr oyi uchun hisoblagan. Unda Feliks ikkita gol va bitta golli uzatma amalga oshirgandi.
Portugaliyalik futbolchi so‘rovnomada Xaume Domenek (“Valensiya”), Mikel Oyarsabal (“Real Sosyedad”), Yusuf an-Nesiri (“Sevilya”), Edgar Badia (“Elche”) va Markos Andre (“Valyadolid”) kabi o‘yinchilarni ortda qoldirgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
