Bugun,

  • USD 11014.01
  • RUB 191.8
  • EUR 10674.78

Toshkent shahar transport boshqarmasi poytaxt metropoliteni xaritasidagi o‘zgarishlar bilan tanishtirdi. Ma’lum qilinishicha, ayni paytda uning tarkibiga 31 ta yer osti va 12 ta yer usti bekat kiradi. Metro yo‘llarining umumiy uzunligi 58,9 kilometrdan ortiq.

Foto: Sergeli tuman hokimligi

Foto: Sergeli tuman hokimligi
  • Chilonzor yo‘lining (12 bekat) uzunligi — 16,2 kilometr;
  • O‘zbekiston yo‘lining (11 bekat) uzunligi — 14,9 kilometr;
  • Yunusobod yo‘lining (6 bekat) 7,15 kilometr va yangi qurilgan 2 ta yo‘l uzunligi — 2,9 kilometr (ularning umumiy yo‘l uzunligi jami 10 kilometrdan oshadi);
  • Halqa yo‘li (7 bekat) — 11,555 kilometr;
  • Sergeli yo‘li (5 bekat) —  6,2 kilometr (foydalanishga topshirish bosqichida).

Foto: Toshkent shahar transport boshqarmasi<em> </em>matbuot xizmati

Foto: Toshkent shahar transport boshqarmasi matbuot xizmati

Sergeli metro liniyasini qurish ishlari 2016-yilning dekabrida boshlangan bo‘lib, u 2020-yilning kuzida foydalanishga topshirilishi lozim bo‘lgan. Loyihaga ko‘ra, metropolitenning yangi yo‘nalishi “Choshtepa”, “Toshkent halqa yo‘li”, “Sergeli”, “Afrosiyob”, “Qipchoq” va “Chinor” nomlariga ega bo‘lishi kerak edi.

Sentabr oyida Toshkent metropoliteni xodimi Rustam Po‘latov yangi metro liniyalarining raqamlanishini vaqtincha ekanligini bildirib,  “Qolgan bekatlar ham qurib bitkazilgandan keyin Toshkent shahar hokimligining tegishli idoralari bekatlarga nom qo‘yadi. Atamashunoslar bunda bekatlar qurilgan joyning tarixi, o‘tmishini o‘rganib, shunga ko‘ra nom tanlaydi”, deb aytgandi.

Biroq 30-avgust kuni ochilgan Qo‘yliq metrosi bekatlarining ham, Sergelidagi metro stansiyalarining ham nomi yo‘q, faqat raqamlangan. Bu holat Telegram’dagi “Ko dnu” kanalida keskin tanqid qilindi.

“Ular avvalroq ishga tushgan 2, 3, 4, 5, 6, 7-metro stansiyalari va Do‘stlik-2 hududidan taxminan 15-kilometr uzoqlikdagi va o‘z navbatida yangi qurilgan 5-bekat yaqinidagi ‘Do‘stlik-2’ stansiyasi safini to‘ldiradi. Yo‘q, bu antiutopiya emas. Bu bekatlar rasmiy nomlanishining achchiq haqiqati. Nima uchun xalq bilan bunday yo‘l tutishgani noma’lum. Shunisi ma’lumki, ayrim hollarda 5-bekatdan 6-bekatgacha yo‘lga 5 daqiqa, ayrim hollarda 2 marta bekatdan bekatga o‘tish bilan 1 soat vaqt ketadi. Ahmoqlik darajasi hali hech qachon bu qadar cheksizlikka intilmagandi”, — deyiladi kanalda.

Shavkat Mirziyoyev 4-dekabr kuni Toshkentning Yangihayot tumanida barpo etilgan Toshkent metallurgiya zavodining ochilish marosimidagi nutqida Sergeli yo‘nalishi shu yilning dekabr oyi oxirida foydalanishga topshirilishini aytdi.

Izoh
Asosiy yangiliklar
Madaniyat
“Hayot bizni sinovga tashladi”. Sobiq “Ummon” guruhining xonandasi Jasur Rafiqovning saratonga chalingani aytilmoqda
Dunyo
Rossiyada safarbarlikdan bosh tortish bo‘yicha birinchi jinoyat ishi qo‘zg‘atildi
Mahalliy
“Nomi Сity, yashash tarzimiz esa qishloqdagi uylardan battar”. Qarshi Сity’da yashovchi aholi ko‘p qavatli uydagi muammolar haqida (video)