Qorabayir zotdor otlari Qashqadaryodan Toshkentgacha yurib boradi

Qorabayir zotdor otlariga mingan 12 nafar chavandoz Shahrisabz shahridan Toshkent shahriga qadar yurib boradi. Bu haqda viloyat hokimligi axborot xizmati xabar berdi.

Ma’lum bo‘lishicha, zotdor otlar Shahrisabz shahrining Oqsaroy majmuasidan Toshkent shahrining Amir Temur xiyoboniga qadar bo‘lgan masofani bosib o‘tadi.

Ta’kidlanishicha, viloyat hokimi Zoir Mirzayev boshchiligidagi mas’ullar otlarni manziliga kuzatgan.

Qo‘shimcha qilinishicha, mazkur fleshmob Qashqadaryoda birinchi marotaba o‘tkazilmoqda.