Россияда 23 ноябрь тонггига кўра, коронавирусга чалиниш бўйича 24 326 та янги ҳолат қайд этилди, деб хабар бермоқда Meduza. Бу касалланишлар сони кунлик ўсиши бўйича рекорд деб топилган бир кун олдинги кўрсаткичдан 847 нафарга кам.
Янги аниқланган ҳолатларнинг энг кўпи Москва (суткасига 5838 нафар), Санкт-Петербург (+3179) ва Москва вилоятида (+970) қайд этилган.
Вирусга қарши курашиш бўйича федерал штаб маълумотларига кўра, пандемия бошланганидан бери мамлакатда 2 138 828 киши COVID-19’га чалинган.
Сўнгги суткада 491 киши, пандемия бошланганидан буён эса эса 37 031 киши коронавирусдан вафот этган. Суткалик ўлим ҳолати бўйича сўнгги юқори кўрсаткич 19 ноябрь куни қайд этилган, шу куни 463 киши COVID-19 қурбонига айланганди.
Соғайганлар сони 1 634 671 нафарни ташкил этмоқда, шу жумладан, COVID-19 беморларининг 23 226 нафари сўнгги бир кеча-кундузда тузалиб чиққан.
«Роспотребнадзор» маълумотларига кўра, мамлакатда коронавирусни аниқлаш учун сўнгги 24 соатда 362 мингта, пандемия бошланганидан буён эса 73,3 миллиондан ортиқ тест ўтказилган.
Изоҳ (0)