Millatlar Ligasining 6-turidan o‘rin olgan so‘nggi bahslar 18-noyabr, chorshanba kuni bo‘lib o‘tdi.
Belgiya va Daniya terma jamoalari yarim final yo‘llanmasi uchun o‘zaro bahsga kirishdi. Belgiyaliklar safida Romelu Lukaku dubl qayd etgan bo‘lsa, Yuri Tilemans va Kevin de Bryuyne bittadan gol urishga erishdi. Bunga daniyaliklar ikkita to‘p bilan javob qaytara oldi.
Ushbu g‘alaba evaziga Roberto Martines shogirdlari yarim final yo‘llanmasiga ega chiqdi.
Guruhning ikkinchi o‘yinida Angliya Islandiya darvozasiga javobsiz to‘rtta gol urdi. Uchrashuvda Fil Foden dublga erishdi, shuningdek, Deklan Rays va Meyson Maunt ham maydonni golsiz tark etmadi.
Rossiya terma jamoasi so‘nggi turda Serbiya maydonida mehmon bo‘ldi va kutilmaganda yirik hisobdagi mag‘lubiyatni qabul qilib oldi. Mezbonlar safida Luka Yovich dubl qayd etgan bo‘lsa, Nemanya Radonich, Dushan Vlaxovich va Filip Mladenovich bir martadan ruslar darvozasini ishg‘ol qildi.
Parallel o‘yinda Vengriya terma jamoasi Turkiyani mag‘lubiyatga uchratgan holda guruhda birinchi o‘rinni oldi va A Liga yo‘llanmasiga ega bo‘ldi.
Millatlar Ligasi
6-tur bahslari
18-noyabr, chorshanba
Belgiya — Daniya 4:2
Gollar: 1:0 – 3 Tilemans, 1:1 – 17 Vind, 2:1 – 57 Lukaku, 3:1 – 69 Lukaku, 3:2 – 86, avtogol Kurtua, 4:2 – 87 de Bryuyne.Belgiya: Kurtua, Alderveyreld, Vertongen (Boyata, 90), Denayer, Dendonker, Shadli, Tilemans, de Bryuyne, Azar (Foke, 77), Lukaku, Mertens.
Daniya: Shmeyxel, Kristensen, Ker, Mele, Vass, Eriksen, Hyoybyerg, Dileyni (Yensen, 70), Poulsen (Andersen, 76), Breytueyt, Vind (Sisto, 88).
Ogohlantirishlar: Mertens (50).
Angliya — Islandiya 4:0
Gollar: 1:0 – 20 Rays, 2:0 – 24 Maunt, 3:0 – 80 Foden, 4:0 – 84 Foden.Angliya: Pikford, Trippyer (Meytlend-Naylz, 85), Uoker (Mingz, 64), Maguayr, Dayer, Rays, Maunt (Uinks, 64), Foden, Saka, Grilish (Sancho, 76), Keyn (Abraham, 76).
Islandiya: Kristinsson (Xalldoursson, 46), Skulason, Ingason, Xermannsson, Sayvarsson, Siguryonsson (Eyelfsson, 62), Byarnason (Youxannesson, 88), Gudmundsson (Torsteynsson, 73), Paulsson, Arnason, Bedvarsson (Sigtorsson, 73).
Ogohlantirishlar: Sayvarsson (11), Uoker (12), Ingason (49), Arnason (72).
Chetlatish: Sayvarsson (54).
Serbiya — Rossiya 5:0
Gollar: 1:0 – 10 Radonich, 2:0 – 25 Yovich, 3:0 – 40 Vlaxovich, 4:0 – 45 Yovich, 5:0 – 64 Mladenovich.Vengriya — Turkiya 2:0
Gollar: 1:0 – 57 Shiger, 2:0 – 90 Varga.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)