FIFA The Best sovrinini topshirish marosimidan voz kechmadi, deya xabar qilmoqda Globo Esporte.
Ta’kidlanishicha, FIFA koronavirus pandemiyasiga qaramay sovrinni topshirishga qaror qilgan, biroq marosimning qachon o‘tkazilishi haqida hali bir to‘xtamga kelinmagan. Ovoz berish jarayonlari 25-noyabrdan 9-dekabrga qadar o‘tkaziladi.
Sovrin 2019/20-yilgi mavsum yakunlari bo‘yicha yilning eng yaxshi erkak va ayol futbolchisi, shuningdek, eng yaxshi murabbiylarga topshiriladi.
Eslatib o‘tamiz, avvalroq France Football koronavirus sabab “Oltin to‘p” sovrini 2020-yilda topshirilmasligini ma’lum qilgandi. Shuningdek, FIFA ham pandemiya tufayli The Best sovrinini topshirmasligi xabar qilingandi.
Ma’lumot uchun, odatda FIFAning ushbu marosimi yangi mavsum oldidan, ya’ni erta kuzda bo‘lib o‘tadi.
Mavzuga doir:
- “Barselona” “Oltin to‘p” bekor qilingani haqida: “Eng yaxshi futbolchi kim ekanini hamma biladi”
- Robert Levandovskiga “Oltin to‘p” sovrini topshirildi. Faqat u legodan yasalgan (foto)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)