Тошкент шаҳри Юнусобод туманида маст ҳайдовчи бошқарувидаги Lacetti бошқарувни йўқотиб йўл-транспорт ҳодисаси содир қилди, дея хабар бермоқда шаҳар ИИББ.
Маълум қилинишича, 10 ноябрь тахминан соат 05:00 ларда Аҳмад Дониш ва Юнусота кўчалари кесишмасида Қашқадарё вилоятида истиқомат қилувчи 29 ёшли Х.Шуҳрат давлат рақами 01 J 460 YA бўлган Lacetti автомобилини маст ҳолатда бошқараётиб, бошқарувни йўқотган ва бетон тўсиққа урилган.
ЙТҲ оқибатида автомобиль ҳайдовчиси ва Фарғона вилоятида истиқомат қилувчи 19 ёшли йўловчи Б.Муҳаммадсодиқ тан жароҳатлари олиб, тиббий муассасага ётқизилган.
Ҳозирда терговга қадар текширув ҳаракатлари олиб борилмоқда.
Аввалроқ Қорақалпоғистонда Cobalt ҳамда Nexia-3 тўқнашуви оқибатида бир киши ҳалок бўлгани, Навоийда маст ҳайдовчи бошқарувидаги Nexia пиёдани уриб кетгани ҳамда Тошкентда учта Malibu тўқнашгани ҳақида хабар қилинганди.
Изоҳ (0)