Bugun,

  • USD 11095.31
  • RUB 173.84
  • EUR 10772.44

Qoraqalpog‘istonning Beruniy tumanida tunda sodir bo‘lgan yo‘l-transport hodisasi oqibatida bir kishi hayotdan ko‘z yumdi. Bu haqda Qoraqalpog‘iston IIV YHXB axborot xizmati xabar qilgan.

Kadr: Qoraqalpog‘iston IIV YHXB axborot xizmati

Kadr: Qoraqalpog‘iston IIV YHXB axborot xizmati

Xabarda qayd etilishicha, 2020-yil 8-noyabr kuni Nexia-3 haydovchisi boshqaruvni yo‘qotib, Cobalt’ning yo‘liga chiqib ketgan va YTH sodir etgan. Hodisa oqibatida Nexia-3 yo‘lga yonboshlab qolgan, mashina ichidagi yo‘lovchi og‘ir tan jarohati olib, voqea joyida vafot etgan.

Kadr: Qoraqalpog‘iston IIV YHXB axborot xizmati

Kadr: Qoraqalpog‘iston IIV YHXB axborot xizmati

Beruniy tumani IIB YHXB boshlig‘i Dilshod Yo‘ldoshevning aytishicha, hodisaning sodir bo‘lishiga 2-toifali avtomobil yo‘lining qatnov qismi ta’mirtalab ekanligi, yoritish uskunalariga ega emasligi, yotiq chiziqlar o‘chib ketgani ham sabab bo‘lgan.

Beruniy tuman avtomobil yo‘llaridan foydalanish unitar korxonasi rahbari Azamat Xo‘jayev 2-toifali trassaning qurilganiga 50 yil bo‘lgani, ko‘chada har yili joriy ta’mir ishlari olib borilishi, biroq kapital ta’mir ishlari amalga oshirilmaganligi, yotiq chiziqlar chizilganidan keyin olti oy vaqt o‘tgani va ular o‘chib ketganini tan olgan. U yo‘lni yoritish va tekislash bo‘yicha chora-tadbirlar amalga oshirilishini bildirgan.

Izoh
Asosiy yangiliklar
Mahalliy
Rossiya bosh vaziri Mishustin O‘zbekistonga keldi (foto)
Dunyo
“Daryo” kundaligida 1-dekabrda sodir bo‘lgan eng muhim voqealar
Dunyo
Eronda mamlakat terma jamoasining JChdagi mag‘lubiyatini nishonlagan yigit otib o‘ldirildi