Bugun,

  • USD 11095.31
  • RUB 173.84
  • EUR 10772.44

Navoiy viloyatining Navbahor tumanida mast holda avtomobilni boshqargan Nexia-3 haydovchisi yo‘l chetida ketayotgan piyodani urib yuborgan. Bu haqda YHXBB axborot xizmati xabar berdi.

Boshqarmaning Telegram’dagi kanaliga yuklangan videoda qayd etilishicha, YTH Navbahor tumanidagi “Romitan” mahallasi hududidan o‘tgan 4R-63 avtomobil yo‘lida sodir etilgan. Toshrabot–Navbahor yo‘nalishi bo‘ylab kelayotgan Nexia-3 yo‘lning o‘ng tomon chekka qismida kelayotgan piyodani urib yuborgan.

Og‘ir darajadagi tan jarohati olgan jabrlanuvchi shifoxonaga yotqizilgan va jonlantirish bo‘limida vafot etgan.

Videolavhada Navbahor tumani IIB Tergov guruhi boshlig‘i To‘ymurod Abdullayev holat yuzasidan Jinoyat kodeksining 266-moddasi 2-qismi “b” bandi bilan (transport vositalari harakati yoki ulardan foydalanish xavfsizligi qoidalarini buzish) jinoyat ishi ochilgani, gumonlanuvchiga nisbatan qamoqqa olish ehtiyot chorasi qo‘llanilganini ma’lum qilgan.

Avval Navoiyda Navbahor tumanida sodir bo‘lgan yo‘l-transport hodisasi oqibatida traktor haydovchisi 27 yoshli yigitning o‘ng qo‘lidan ayrilishiga sababchi bo‘lgani, Xatirchida sodir bo‘lgan YTH oqibatida piyoda hamda haydovchi, boshqa bir YTHda voyaga yetmagan qizga mashinasini boshqarishga bergan haydovchi, Matiz shinasi yorilishi sababli yuz bergan YTH oqibatida 2 oylik chaqaloq vafot etgani haqida xabarlar berilgan.

Izoh
Asosiy yangiliklar
Mahalliy
Rossiya bosh vaziri Mishustin O‘zbekistonga keldi (foto)
Dunyo
“Daryo” kundaligida 1-dekabrda sodir bo‘lgan eng muhim voqealar
Dunyo
Eronda mamlakat terma jamoasining JChdagi mag‘lubiyatini nishonlagan yigit otib o‘ldirildi