Toshkent shahri Chilonzor tumanida 3 ta Malibu avtomobili ishtirokida yo‘l-transport hodisasi sodir bo‘ldi, deya xabar qilmoqda YHXBB.
Ma’lum qilinishicha, 2020-yilning 12-noyabr kuni soat 13:30 larda Toshkent shahar Chilonzor tumani Chilonzor ko‘chasi 54-uy qarshisida haydovchi, 1983-yilda tug‘ilgan U.O., 1990-yilda tug‘ilgan I.R. hamda 1969-yilda tug‘ilgan A.X. boshqaruvidagi Malibu rusumli transport vositalari ishtirokida to‘qnashuv sodir bo‘lgan.
Oqibatda 37 yoshli haydovchi U.O. tan jarohati olib, shifoxonaga olib ketilgan.
Mazkur YTH yuzasidan Chilonzor tumani IIO FMB YHXB tomonidan surishtiruv ishlari olib borilib, to‘qnashuv sabablariga aniqlik kiritilmoqda.
Mavzuga doir: Navoiydagi yirik YTH tafsilotlari ma’lum bo‘ldi: 11 mashina zarar ko‘rgan, 11 kishi jarohatlangan
Izoh (0)