Britaniyalik olimlar AQSHda dinozavrning yangi — it kattaligidagi turini kashf etdi. Bu haqda CNN xabar berdi.
Bu tur taxminan 150 million yil oldin hozirgi Qo‘shma Shtatlarda stegozavr va diplodok kabi dinozavrlar bilan birga yashagani aytilmoqda. Enigmacursor mollyborthwickae deb nomlangan yangi dinozavr uzunligining taxminan yarmini dumi tashkil etadi. Uning labrador retriever iti bilan bir xil o‘lchamda ekani aytilgan.
Garchi uning ko‘plab suyaklari 2021—2022-yillarda Kolorado shtatidan topilgan bo‘lsa-da, o‘sha paytda uning bosh suyagi va umurtqa pog‘onasi qismlari aniqlanmagan. Shuning uchun olimlar mazkur dinozavr turining aniq uzunligini bilmagan. Skelet 26-iyundan boshlab London tabiatshunoslik muzeyida namoyish etilishi kutilmoqda. O‘txo‘r dinozavr uzun orqa oyoqlarida yurgan. Bu uning yirtqichlardan tez qocha olgani va juda tez yugurganini ko‘rsatadi.
Dinozavr nomi skeletni muzeyga olib kelishda homiylik qilgan shaxs — Molli Borthvik sharafiga qo‘yilgan. U lotinchada “sirli yuguruvchi” degan ma’noni anglatadi. Suyaklarni sinchkovlik bilan o‘rgangan olimlar Maidment va Barretga ko‘ra, ushbu namuna ilgari aniqlangan boshqa turlarga o‘xshamaydi.
Xususan, uning son suyagi o‘ziga xos bo‘lib, boshqa dinozavrlardan turli xil mushak birikmalari bilan ajralib turadi.
“U Xitoyda topilgan 3 metr uzunlikdagi yandusaurus hongheenis dinozavriga o‘xshab ketadi. Bu turning keng tarqalganini ko‘rsatadi”, degan Barrett.
Izoh (0)