Шоу-бизнес вакиллари ҳар доим диққат марказида экани сабаб ҳам кўриниши ва вазнига эътибор қаратади. Аммо чиройли кўриниш учун кило ташлашлар натижаси ҳар доим ҳам кутилгандек бўлмаслиги мумкин.
Деми Мур
Деми актёр Эштон Кутчер билан ажрашганидан кейин депрессияга тушиб, озиб кетган. Унда анорексия кузатилган деган маълумотлар мавжудлигига қарамай, Деми буни инкор қилган. Озиб кетиш унга ярашмаган ва ёшидан каттароқ кўринган. Аммо у ўзини қўлга ололган ва эски ҳолига қайтган. Шунга қарамасдан, юзи киртайганича қолиб кетган. Ҳамкасблари ва яқинлари Мур юзи озғин кўриниши учун пластик жарроҳга мурожаат қилган деб билади.
Анжелина Жоли
Бред Питт билан боғлиқ муаммо ва ажрашиш сабаб Жоли сўнгги бир неча йилда 45 килогача озиб, анорексия ҳолатига келган. Унинг ҳаддан ортиқ даражада вазн ташлагани сабабли мухлислари саломатлигидан хавотирга туша бошлаган. Бугунги кунда актриса аста-секин эски ҳолига қайтмоқда, кўриниши ҳам анча ўзига келиб қолган.
Тара Рид
«Америка пироги» картинаси юлдузи, парҳез ва пластик жарроҳлигига муккасидан кетмагунича идеал қоматга эга бўлган. Ҳаммаси пластик операция натижасидан кўнгли тўлмай, қайта қилдирганидан кейин бошланган. Аммо унинг ўзи кўринишига гап йўқ деб ҳисоблаб, бошқаларни хавотирланмасликка чақиради. Ҳозир ҳеч нима емайди деган гап чиқарадиган одамлар бир вақтлар унинг вазн ташлаш кераклигини муҳокама қилгани, у доим танқид остида бўлганини таъкидлайди.
Полина Гагарина
Хонанда ҳеч қачон ортиқча вазнга мойиллиги борлигини яширмаган. Биринчи фарзандини дунёга келтирганидан кейин сезиларли даражада семириб кетган ва узоқ вақт ортиқча вазн билан курашган. Полина 2012 йилда яхшигина озиб кетган ва шундан буён семириб кетмасликка ҳаракат қилади.
2017 йилда такрор она бўлган Гагарина шахсий спорт инструктори ва тўғри овқатланиш билан яна сарвқомат бўлиб олган. Полина стресс унинг энг асосий тренери ва парҳезшуноси эканлигини айтиб, шоудан аввал асабийлашса, бир неча кило ташлашини қўшимча қилади. Шунингдек, у фаст-food ейиши мумкинлиги, аммо бундан кейин залда спорт билан шуғулланишини айтиб ўтган.
Ляйсан Утяшева
Ляйсан доимий равишда гимнастика билан шуғулланишига қарамай, унинг ҳам тўлишишга мойиллиги бор. Она бўлганидан кейин спортчи вазн ташлашга қийналган, кўпроқ спорт билан шуғулланиши ва парҳез қилишига тўғри келган.
Натижадан Утяшеванинг кўнгли тўлган, аммо мухлислари уни анорексия ҳолатига келиб қолган деб ҳисоблаган. Фойдаланувчилар уни бўртган ёноқлари чиройли бўлганини ёзиб қолдирган. Утяшеванинг ўзи эса у фарзандли бўлишдан аввал ҳам шундай озғин бўлгани ва саломатлиги билан боғлиқ ҳеч қандай муаммо йўқлигини маълум қилган. «Вазним биринчи фарзандимни дунёга келтиргунимгача бўлганидек ҳозир ҳам 49 кг», — деб мухлисларини тинчлантиради спортчи.
Изоҳ (0)