Xalqaro futbol federatsiyalari (FIFA) prezidenti Janni Infantino koronavirusga chalindi. Bu haqda tashkilot rasmiy sayti xabar bermoqda.
Foto: FIFA
Infantino topshirgan test natijasi ijobiy natija bergan. Qayd etilishicha, hozirda FIFA rahbari kasallikning yengil alomatlarini boshdan kechirmoqda. Endilikda u kamida 10 kun davomida karantinda bo‘ladi va shundan keyin qayta sinovdan o‘tkaziladi. So‘nggi bir necha kun ichida Infantino bilan aloqada bo‘lgan odamlar bu to‘g‘risida xabardor qilingan.
Eslatib o‘tamiz, Infantino 2016-yildan FIFAni boshqarib kelmoqda.
Qayd etish joiz, bir qator futbol olami yulduzlari, xususan, Paulo Dibala, Xavi, Zlatan Ibragimovich koronavirusga chalinib, undan forig‘ bo‘lishga va allaqachon odatiy hayotga qaytishga ulgurgan bo‘lsa, Ronaldinyo va Krishtianu Ronaldu hozirda davolanish jarayonini boshdan kechirmoqda.
