Bugun,

  • USD 11095.31
  • RUB 173.84
  • EUR 10772.44

Davlat bojxona qo‘mitasi axborot xizmati so‘nggi kunlarda aniqlangan qonun buzilish holatlari haqida axborot berdi, deya xabar bermoqda “Kun.uz”.

Foto: “Kun.uz”

Foto: “Kun.uz”

Toshkent viloyati bojxona boshqarmasi Kontrabandaga qarshi kurashish va bojxona auditi bo‘limi xodimlari tomonidan kuchli ta’sir qiluvchi dori vositalarining noqonuniy aylanmasiga chek qo‘yish maqsadida tezkor tadbir o‘tkazildi.

Tadbir davomida fuqaro Q.B. boshqaruvidagi KIA Bongo 3 rusumli avtotransport vositasi to‘xtatilib, xolislar ishtirokida ko‘zdan kechirildi.

Natijada avtoulov yukxonasida hech qanday hujjatlari bo‘lmagan, xorijda ishlab chiqarilgan, umumiy qiymati 150 million so‘mlik, jami 1000 dona “Tropikamid” kuchli ta’sir qiluvchi dori vositalari borligi aniqlandi.

Chetdan noqonuniy olib kirilgan 300 million so‘mlik “KamAZ” fosh bo‘ldi

Foto: “Kun.uz”

Foto: “Kun.uz”

Namangan viloyati bojxona boshqarmasi Kontrabandaga qarshi kurashish va bojxona auditi bo‘limi xodimlari DXX Chegara qo‘shinlari harbiy xizmatchilari bilan hamkorlikda tezkor tadbir o‘tkazdi. Unda fuqaro Sh.A. boshqaruvidagi “KamAZ 65115” rusumli yuk avtomashinasi to‘xtatilib, belgilangan tartibda ko‘zdan kechirildi.

Tekshiruv davomida ushbu umumiy qiymati 300 million so‘mlik yuk avtomashinasiga tegishli hujjatlar avtomashinaning identifikatsion belgilariga to‘g‘ri kelmasligi hamda qo‘shni mamlakatdan noqonuniy tarzda olib kirilgani aniqlandi.

Ma’lum bo‘lishicha, qonunbuzar huquqni muhofaza qiluvchi idoralar xodimlarini chalg‘itish maqsadida ushbu noqonuniy olib kirilayotgan “KamAZ”ga boshqa bir “KamAZ”ning davlat raqamini taqib olgan.

Cobalt’dagi 5500 dona tamaki mahsulotlari manzilga yetib bormadi

Foto: “Kun.uz”

Foto: “Kun.uz”

Farg‘ona viloyati bojxona boshqarmasi Kontrabandaga qarshi kurashish va bojxona auditi bo‘limi xodimlari fuqaro A.Sh. boshqaruvidagi Cobalt rusumli avtomashinani to‘xtatib, o‘rnatilgan tartibda ko‘zdan kechirdi.

Natijada avtomashina yukxonasida unda yo‘lovchi sifatida harakatlanib ketayotgan fuqaro T.M.ga tegishli bo‘lgan, bojxona rasmiylashtiruvidan o‘tganini tasdiqlovchi hujjatlari hamda aksiz markalari bo‘lmagan, umumiy qiymati 60,5 million so‘mlik 5500 quti tamaki mahsulotlari borligi aniqlandi.

Hozirda yuqoridagi holatlar yuzasidan bojxona organlari tomonidan surishtiruv harakatlari olib borilmoqda.

Avvalroq Sirdaryoda 113 million so‘mlik tibbiy buyumlar va virus blokatorlarining noqonuniy aylanmasiga chek qo‘yilgani haqida xabar berilgandi.

Izoh
Asosiy yangiliklar
Sport
Neymar Braziliyaning JCH—2022 1/8 finaldagi o‘yinini ham o‘tkazib yuborishi mumkin
Dunyo
Edvard Snouden qasamyod qilib, Rossiya pasportini qabul qilib oldi
Sport
“Zenit” — “Spartak” o‘yinidagi ommaviy mushtlashuv ishtirokchilari jazolandi