Tishlar odamni qanchalik o‘zgartirishi mumkinligi mashhur shaxslar misolida (foto)

Kishining tabassumi va yuz ifodasida tishlarning ham o‘rni bor. Tabiat kimnidir tekis va tabiiy oppoq tishlar bilan siylasa, kimlardir ushbu natijaga tishning tashqi qoplami o‘rnini bosuvchi yupqa plastinka bilan qoplangan vinirlar yordamida erishadi. Tish shakli va rangining o‘zgarishi kishini qanchalik o‘zgartirib yuborishini mashhurlar suratidan ham bilsa bo‘ladi.

Kendis Sveynpol

Avvallari Kendis mukammal tishlari va “gollivudcha tabassumi” bilan maqtana olmasdi. Vinirlar esa unga ishonch baxsh etgan. Suratlariga nazar tashlansa, tabassum qilganida milklari avvalgidek ko‘zga tashlanmasligini bilish mumkin.

Viktoriya Bekhem

Viktoriya uchun vinirlar chiroyli ko‘rinishdan ham ko‘ra davolash maqsadida ishlatilgan. Shu orqali dizaynerning tish shakli o‘zgartirilgan. Endilikda Bekhem xonim avvalgidan tartibli va sipo ko‘rinadi.

Billi Aylish

Billi Aylish ham vinirlardan foydalanmagani, tishlarini “breket” yordamida tekislatganiga ishongisi keladi kishini. Lekin bunga shubha bor, chunki vinir tez va samarali natija ko‘rsatadi.

Milli Bobbi Braun

Millining tishlariga qarab kishining havasi keladi, lekin 16 yosh vinir qo‘ydirish uchun ancha erta.

Megan Markl

Megan ham vinirlar yordamida tish shaklini o‘zgartirgan, lekin shundan keyin o‘ziga xosligi o‘zgarib, uning tishlari notabiiy oq rang bo‘lib qolgan.

Krishtianu Ronaldu

Futbolchi tekis bo‘lmagan tishlar bilan ham o‘ziga yarasha kelishgan bo‘lgan. Tishini rangi va shaklining o‘zgarishi bilan esa qiyofasida ham o‘zgarish kuzatilgan.

Zak Efron

Zakning yoshligida tishining orasi Vanessa Paradniki singari ochiq bo‘lgan. Ammo keyinchalik uni o‘zgartirgan.

Demi Mur

Demi Murga ushbu amaliyotning foydasi bo‘lgan. Tishlari oq va tekis bo‘lmagan aktrisa vinirlardan keyin go‘zal tabassumga ega bo‘lgan.

Keti Xolms

Ketining ham tabiiy tishlaridan ko‘ra, vinirdan keyingisi chiroyliroq ko‘rinadi. Biroq oqartirish borasida me’yordan oshib ketilgan.