Кишининг табассуми ва юз ифодасида тишларнинг ҳам ўрни бор. Табиат кимнидир текис ва табиий оппоқ тишлар билан сийласа, кимлардир ушбу натижага тишнинг ташқи қоплами ўрнини босувчи юпқа пластинка билан қопланган винирлар ёрдамида эришади. Тиш шакли ва рангининг ўзгариши кишини қанчалик ўзгартириб юборишини машҳурлар суратидан ҳам билса бўлади.
Кэндис Свейнпол
Авваллари Кэндис мукаммал тишлари ва «голливудча табассуми» билан мақтана олмасди. Винирлар эса унга ишонч бахш этган. Суратларига назар ташланса, табассум қилганида милклари аввалгидек кўзга ташланмаслигини билиш мумкин.
Виктория Бекҳэм
Виктория учун винирлар чиройли кўринишдан ҳам кўра даволаш мақсадида ишлатилган. Шу орқали дизайнернинг тиш шакли ўзгартирилган. Эндиликда Бекҳэм хоним аввалгидан тартибли ва сипо кўринади.
Билли Айлиш
Билли Айлиш ҳам винирлардан фойдаланмагани, тишларини «брекет» ёрдамида текислатганига ишонгиси келади кишини. Лекин бунга шубҳа бор, чунки винир тез ва самарали натижа кўрсатади.
Милли Бобби Браун
Миллининг тишларига қараб кишининг ҳаваси келади, лекин 16 ёш винир қўйдириш учун анча эрта.
Меган Маркл
Меган ҳам винирлар ёрдамида тиш шаклини ўзгартирган, лекин шундан кейин ўзига хослиги ўзгариб, унинг тишлари нотабиий оқ ранг бўлиб қолган.
Криштиану Роналду
Футболчи текис бўлмаган тишлар билан ҳам ўзига яраша келишган бўлган. Тишини ранги ва шаклининг ўзгариши билан эса қиёфасида ҳам ўзгариш кузатилган.
Зак Эфрон
Закнинг ёшлигида тишининг ораси Ванесса Парадники сингари очиқ бўлган. Аммо кейинчалик уни ўзгартирган.
Деми Мур
Деми Мурга ушбу амалиётнинг фойдаси бўлган. Тишлари оқ ва текис бўлмаган актриса винирлардан кейин гўзал табассумга эга бўлган.
Кэти Холмс
Кэтининг ҳам табиий тишларидан кўра, винирдан кейингиси чиройлироқ кўринади. Бироқ оқартириш борасида меъёрдан ошиб кетилган.
Изоҳ (0)