Plastik operatsiyalarni rad etib, tabiiy qarishni afzal bilgan dunyoning eng badavlat ayollari (foto)

Aynan ushbu badavlat ayollarni Forbes ro‘yxatidan topish mumkin, shuningdek, ularning har biri million dollarlab boylikka ega. Ko‘rinib turganidek, shuncha pul evaziga plastik operatsiya orqali har qanday inson ham tashqi go‘zalligini yanada yaxshilashi mumkin. Lekin quyidagi serdaromad xonimlar bunga rad javob qaytarib, tabiiy go‘zallikni har narsadan ustun qo‘ygan.

Elis Uolton

2020-yil Walmart korporatsiyasining asoschisi Sem Uoltonning qizi Elis dunyodagi eng boy ayolga aylandi, uning boyligi 54,4 milliard dollarni tashkil etadi. Ammo shuncha mablag‘ning mavjudligi ham uni birorta plastik operatsiyasini o‘tkazishga unday olmadi. Elis 71 yoshda va uning ko‘rinishi a’lo darajada. Ehtimol, u juda sifatli kosmetik vositadan foydalanar.

Fransuaza Bettankur-Meyer

Forbes ro‘yxatida ikkinchi o‘rinni L’Oreal kosmetika kompaniyasining merosxo‘ri – Fransuaza egalladi. Qanchalar hayratlanarli bo‘lmasin, Fransuaza yuzni parvarish qilishda L’Oreal konserni tarkibidagi qarishga qarshi mo‘ljallangan brend vositalardan foydalanadi.

Juliya Kox

57 yoshli milliarder xonim yoshiga nisbatan kamida 10 yoshga kichik ko‘rinadi. Ma’lum qilinishicha, Juliya o‘ziga qarash borasida kosmetologlar bilan maslahatlashadi. Piling, parvarish hamda “go‘zallik inyeksiyalari”ni juda ehtiyotkorlik bilan va tabiiy ravishda amalga oshiradi.

Makkenzi Bezos

Yana bir serdavlat hamda go‘zal xonim – Amazon asoschisining sobiq rafiqasi Makkenzi Bezos. U 50 yoshga umuman o‘xshamaydi. Makkenzining qomati ajoyib va yuzining ham yaxshi parvarish qilingani sezilib turadi. Go‘zal xonimlarning suratiga Instagramda bo‘lgani kabi soxta ishlovlar berilmagan. Ularning o‘ziga xos xususiyatga ega tabiiy yuziga qarash ajoyib, albatta.

Jaklin Mars

Jaklin Mars Amerikaning Mars qandolat kompaniyasi asoschisi Franklin Marsning nabirasi hisoblanadi. Ushbu go‘zal xonim allaqachon 80 yoshni qoralagan. Jaklinning ajinlari borligi rost, ammo ular o‘ziga juda ham yarashadi.

Yan Xueyyan

Yan Xueyyan tanlovdagi eng yosh milliarder bo‘lishiga qaramay, u Xitoyning eng boy ayoli sanaladi. U ko‘chmas mulk savdosi bilan shug‘ullanadi. Ayol 37 yoshda bo‘lsa ham aslida unga barcha 27 yosh beradi. Osiyoda parvarishning bir necha tabiiy usuli mavjud. Yan ham aynan o‘sha uslubdan foydalanishi mumkin, chunki u juda chiroyli ko‘rinadi.

Syuzan Klatten

Germaniyalik tadbirkor, BMW bilan bog‘liq oilaviy biznes egasi va merosxo‘ri Syuzan Klatten 58 yoshga kirgan. Ammo u ancha yoshroq ko‘rinishga ega. Ayolning yuzi tiniqligiga qaraganda u tinimsiz bu borada g‘amxo‘rlik qiladi va ovqatlanish tartibini nazorat qiladi.