Xalqaro self-brending akademiyasi asoschisi, personal brendning bo‘yicha mutaxassis Margo Bilinina qanday qilib Instagram’da obunachilar sonini ko‘paytirish mumkinligiga javob berdi.

Foto: Cosmopolitan

Nima uchun million? Istagingiz mashhurlikmi yoki pul?

Mashhurlik bo‘lsa, tanilish orqali nimaga erishmoqchisiz? Hech kim faqat mashhur bo‘lishni istagani uchungina shunday bo‘lib qolmaganini yodda tuting.

Pulmi?

Qancha va qaysi loyihalar orqali pul topishni istaysiz? Qachon, qaysi tomonga harakatlanayotganingiz va qanday maqsadlarni ko‘zlaganingiz, unga erishish uchun nimalar qilayotganingiz muhim.

Sizni baxtiyor qiladigan ish bilan shug‘ullaning

Mashhur kishilarning siri tanilishni yoki obunachilar sonini ko‘paytirishni istaganida emas, o‘zi yoqtirgan ishi bilan shug‘ullanishida. Nimani qoyillatasiz, sizga nima yoqadi nimani bajarib kamolotga erishishni istaysiz? Shu savollarga javobingiz bo‘lsin.

Maqsadli auditoriyani aniqlab oling

Siz taklif qiladigan narsa hamma uchun qiziq, deb o‘ylash kerakli auditoriyani yig‘ish imkoniyatini kamayishiga sabab bo‘ladi.

Sizni kim o‘qimoqda? Taklifingiz ularga qiziqmi? Maqsadli auditoriyani aniqlab oling. Auditoriyangiz haqida hamma narsani biling va shundan kelib chiqib strategiya tuzing u asosida muloqot o‘rnatishga kirishing. Odamlar bilan muloqot qilishga kirishish obunachilar sonining oshishiga sabab bo‘ladi. Shaxsiy brendga millionlab odamlarni qiziqtirish qiyin ekanini inobatga oling va siz taqdim qilayotgan tovar yoki xizmatga kimlar qiziqish bildirishi mumkinligi jihatidan kelib chiqib ish tuting.

Agar sizda iste’dod va aktyorlik mahorati bo‘lsam vaynerlik bilan katta auditoriya yig‘ishingiz mumkin. Bunda auditoriyaning ko‘p bo‘lishi hammaning kayfiyat ko‘tarish va ko‘ngil yozishga ehtiyoji borligi bilan bog‘liq.

Shaxsiy brend yaratish

Ko‘pchilik shaxsiy brendni akkaunt egasining yuzi deb hisoblaydi. Shaxsiy brend bu shaxsiyatga taalluqli narsalar emas. Bu akkaunt egasining auditoriya uchun mo‘ljallangan sahnalashtirilgan obrazi.

Sizning sahnada nima bor, nimani ko‘rsatasiz?

Shaxsiy brend bu — sizning nima bilan o‘ziga xosligingiz, nima uchun sizni eslab qolish kerakligiga asoslangan obraz. Instagram’da o‘zingiz haqingizda yozish kerak bo‘lgan joyga 150 belgi bilan o‘zingizni qisqa, aniq va o‘ziga xos tanishtirishingiz kerak. Ammo 90 foiz akkaunt egalari bu borada xatoga yo‘l qo‘yadi: kimdandir ko‘chiradi yoki bo‘lmasa, bo‘lar-bo‘lmas shior va keraksiz narsalar yozib qo‘yadi.

Nimani do‘ndirasiz? 

Imij yasab olishni o‘zi yetmaydi, uni isbotlash ham kerak. Eng zo‘r ekaningiz haqidagi ta’rif esa quruq gap xolos. Kontent asosida kommunikatsiya o‘rnatish bu strategiya. Takrorlanmas uslub, tashqi obraz, akkauntdagi konsepsiya va muloqot hamda matnlar uslubiga e’tibor bering.

Odamlar serialni tomosha qiladigandek “story” yarating, obunachi fikri bilan qiziqing, qiziqtiring. Har bir kuzatuvchi o‘zini sizning serialingiz ishtirokchisidek his qilsin.

Promout qilishni unutmang

Akkauntingiz haqida ko‘pchilik xabardor bo‘lishi uchun reklama choralarini ko‘rishni unutmang. Bu bloger va tashkilotchilarning “story”, postlari yoki targeting bo‘lishi mumkin. Reklamani maqsad va budjetdan kelib chiqib amalga oshirish kerak. Botlar va faol bo‘lmagan akkauntlar bilan obunachilarni ko‘paytirishga urinmang.

Instagram’ning imkoniyat doirasidan chetga chiqing

Instagram so‘nggi vaqtda yangi yulduzlar va loyihalar tug‘iladigan, millionlab mablag‘ topsa bo‘ladigan kichik bir sayyoraga aylandi. Ammo auditoriyangiz boshqa joyda bo‘lishi mumkinligini ham inobatga olgan holda oflayn tadbir, konferensiyalarda ishtirok eting, OAV uchun qiziq shaxs bo‘lishga harakat qiling. Onlayn va oflayn faollikni birlashtirish ko‘proq samara beradi.