Bugun,

  • USD 11014.01
  • RUB 191.8
  • EUR 10674.78

Futbol bo‘yicha Millatlar Ligasining 4-turidan o‘rin olgan 13-oktabr kungi o‘yinlar yakunlandi.

Foto: UEFA

Foto: UEFA

Germaniya terma jamoasi o‘z uyida Shveysariyani qabul qildi. Uchrashuv debyutida Mario Gavranovich mehmonlarni oldinga olib chiqqan bo‘lsa, bo‘lim o‘rtalariga kelib Remo Froyler ikkinchi golni urdi. Bunga nemislar birinchi bo‘limda Timo Vernerning goli bilan javob qaytardi.

55-daqiqada Kay Haverts muvozanatni tiklashga muvaffaq bo‘ldi. Biroq oradan bir daqiqa o‘tar-o‘tmas Gavranovich dublini nishonladi. 60-daqiqada Serj Gnabri tovoni bilan to‘pga zarba bergan holda hisobni tenglashtirdi. Qolgan vaqtda hisob o‘zgarmay qoldi.

Ispaniya terma jamoasi esa Ukraina maydonida mehmon bo‘ldi. Uchrashuvning 76-daqiqasida zaxiradan maydonga tushganiga ko‘p bo‘lmagan Viktor Sigankov mezbonlarga g‘alaba keltirgan gol muallifiga aylandi.

Shu tariqa Andrey Shevchenko shogirdlarining ochkolari 6 taga yetdi va jamoa bu borada Germaniya bilan tenglashib oldi. Ispaniya mag‘lubiyatga qaramay 7 ochko bilan peshqadam bo‘lib turibdi. Shveysariya hisobida esa 2 ochko bor.

Millatlar Ligasi

4-tur bahslari

13-oktabr, seshanba

Germaniya – Shveysariya 3:3

Gollar: 0:1 – 5 Gavranovich, 0:2 – 26 Froyler, 1:2 – 28 Verner, 2:2 – 55 Haverts, 2:3 – 56 Gavranovich, 3:3 – 60 Gnabri.

Germaniya: Noyer, Ginter (Jan, 77), Gozens (Halstenberg, 57), Klostermann, Ryudiger, Goretska, Kimmix, Haverts (Draksler, 77), Kroos, Gnabri, Verner.

Shveysariya: Zommer, Elvedi, Sher, Rodriges, Vidmer, Shakiri (Sou, 66), Suber (Fernandesh, 66), Froyler (Benito, 85), Jaka, Gavranovich (Mehmedi, 75), Seferovich (Itten, 85).

Ogohlantirishlar: Sher (29), Gozens (36), Gavranovich (50), Jaka (51), Kroos (65), Ryudiger (90).

Chetlatish: Sher (90).

Ukraina — Ispaniya 1:0

Gol: 1:0 – 76 Sigankov.

Ukraina: Bushan, Karavayev, Zabarniy, Mikolenko, Sobol, Shaparenko, Makarenko, Yarmolenko, Sidorchuk (Kovalenko, 60), Zubkov (Sigankov, 65), Yaremchuk.

Ispaniya: De Xea, Regilon, Ramos, Pau Torres, Navas, Rodri, Merino (Sebalyos, 46), Fati (Ferran Torres, 58), Kanales (Olmo, 73), Traore, Rodrigo (Oyarsabal, 58).

Chernogoriya — Lyuksemburg 1:2

Gollar: 1:0 – 34 Ivanovich, 1:1 – 42 Muratovich, 1:2 – 86 Sinani.

Lixtenshteyn — San-Marino 0:0

Ozarbayjon — Kipr 0:0

Latviya — Malta 0:1

Gol: 0:1 – 90 Borg.

Farer orollari — Andorra 2:0

Gollar: 1:0 – 19 Olsen, 2:0 – 33 Olsen.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!

Izoh
Asosiy yangiliklar
Mahalliy
Qurilish vazirligi ogohlantiradi: yangi uy xarid qilayotganda e’tibor berilishi lozim bo‘lgan jihatlar
Mahalliy
“Ba’zida o‘zim ham noto‘g‘ri parkovka qilaman” — Rasul Kusherbayev
Mahalliy
Toshkent shahri bosh rejasining bir qismi 2022-yil oxirigacha yakunlanadi