Bugun,

  • USD 10940.05
  • RUB 182.26
  • EUR 11121.65

O‘zbekiston Moliya vazirligi bojxona to‘lovlari olinmaydigan xalqaro kuryerlik jo‘natmalariga qo‘yilgan me’yorni besh baravar kamaytirmoqchi. Bu haqda Prezidentning “Yashirin iqtisodiyotni keskin qisqartirish chora-tadbirlari to‘g‘risida”gi farmoni loyihasida ko‘zda tutilgan.

Foto: iStock

Foto: iStock

Hujjat bilan 2021-yil 1-yanvardan boshlab bojxona to‘lovlari olinmaydigan xalqaro kuryerlik jo‘natmalarida jismoniy shaxsning manziliga kelib tushadigan tovarlarni respublikaga olib kirishning eng yuqori me’yori, bir kalendar chorakda birinchi qabul qilinganda, 1000 dollardan 200 dollargacha tushirilishi va brutto og‘irligi 10 kilogrammdan oshmasligi belgilab qo‘yilishi mumkin.

Davlat bojxona qo‘mitasi Moliya vazirligi bilan birgalikda bir oy muddatda Vazirlar Mahkamasiga jismoniy shaxslar tomonidan respublikaga tovarlarni olib kirishning maksimal me’yorlari oshib ketganda olinadigan yagona bojxona to‘lovi stavkasini pasaytirish bo‘yicha takliflar kiritadi.

Qaror loyihasi muhokamasi 23-oktabrgacha davom etadi.

Eslatib o‘tamiz, 2018-yilning iyulida xalqaro kuryerlik jo‘natmalari orqali jismoniy shaxslar nomiga kelayotgan bojxona to‘lovi undirilmaydigan tovarlar uchun bir kalendar chorak mobaynida 1000 dollar hajmida cheklov o‘rnatilgandi. Undan avval bu ko‘rsatkich oyiga 1000 dollarga teng bo‘lgan.

Izoh
Asosiy yangiliklar
Dunyo
Rossiyadagi senzura haqida gapirgan sudya iste’foga chiqarildi. U Rossiya SSSRning “vorisi” emasligini ta’kidlagan edi
Mahalliy
Saudiya Arabistoni haj va umra ishlari vaziri O‘zbekistonga keldi (foto)
Mahalliy
G‘aniyev va Voitov klasterlarga past narxda paxta sotishni xohlamagan fermerlarga bosim o‘tkazilayotganini o‘rganadi