Yengil vazn toifasida UFC jangchisi Zubayra Tuxugov navbatdagi jangini 2021-yilning yanvarida o‘tkazadi.
Jurnalist Igor Lazorinning yozishicha, Tuxugov noyabr oyida mashg‘ulotlarga kirishadi.
Eslatib o‘tamiz, Zubayra 27-sentabr kuni Abu-Dabidagi “Jangchilar oroli”da o‘tkazilgan UFC 253 musobaqasida kanadalik Hakim Davoduga imkoniyatni boy berib qo‘ydi.
Shu tariqa Tuxugov yakkakurashlardagi faoliyatida beshinchi mag‘lubiyatni qabul qilib oldi. Bundan tashqari, uning hisobida 19 g‘alaba va bir durang bor.
Zubayra Tuxugov va Hakim Davodu o‘rtasidagi jang videosini bu yerda ko‘rish mumkin — havola.
Izoh (0)