Twitter’dagi L0vetodream nikli insayder Apple’ning yangi smartfonlar lineykasiga oid ma’lumotlar bilan bo‘lishdi. Kompaniya o‘z tarixi davomida birinchi bor “mini” nomi ostidagi modelini taqdim etadi.
Barcha lineyka quyidagi ko‘rinishga ega:
- iPhone 12 Mini;
- iPhone 12;
- iPhone 12 Pro;
- iPhone 12 Pro Max.
Mish-mishlarga ko‘ra, iPhone 12 Pro Max kompaniya tarixidagi eng katta iPhone’ga aylanadi — unga 6,7 dyuymli ekran o‘rnatiladi. Shu bilan birga, yangi lineykadagi barcha to‘rtta model OLED displeyga ega bo‘ladi — bu ham birinchi marotaba. O‘tgan yili faqat iPhone 11 Pro va 11 Pro Max’ga shu kabi displeylar o‘rnatilgandi, iPhone 11 esa IPS ekranga ega bo‘lgan.
Avvalroq Apple rasman 2020-yilgi yangi iPhone’lar savdosi har doimgidan kechroq boshlanishi va lineykadagi barcha smartfonlar narxi to‘g‘risida ma’lumot berilgandi.
Izoh (0)