O‘zbekiston Prezidentining 2020-yil 8-sentabrdagi farmoniga muvofiq, Abdurahim Mo‘minov Prezidentning fuqarolar huquqlarini himoya qilish va murojaatlar bilan ishlash masalalari bo‘yicha maslahatchisining birinchi o‘rinbosari etib tayinlandi. Bu haqda O‘zA xabar berdi.
Mazkur tayinlovga qadar polkovnik Abdurahim Mo‘minov O‘zbekiston favqulodda vaziyatlar vazirining o‘rinbosari vazifasida ishlab kelgan.
Eslatib o‘tamiz, Prezidentning fuqarolar huquqlarini himoya qilish va murojaatlar bilan ishlash masalalari bo‘yicha maslahatchisining birinchi o‘rinbosari lavozimida ishlab kelgan Ulug‘bek Muhammadiyev avvalroq Adliya vazirligi huzuridagi Davlat xizmatlari agentligi direktori etib tayinlangandi.