AQSHda 54 yoshli Che Gen An xotinini urib, pichoqlab, tiriklayin ko‘mishga uringani uchun 13 yilga ozodlikdan mahrum etildi. Unga rafiqasi va bolalari bilan muloqot qilish taqiqlandi. Bu haqda The New York Times xabar berdi.
Ma’lum qilinishicha, gumondor 2022-yilda hibsga olingan, sud hukmi esa endi e’lon qilingan. U xotinini shafqatsizlarcha urib, pichoqlagan. Ayol eri uni skotch bilan bog‘lab, mashinaga ortib, o‘rmonga olib ketishidan avval Smart Watch yordamida politsiyaga qo‘ng‘iroq qilgan. Erkak o‘rmonda uni sayoz chuqurga ko‘mib ketgach, ayol u yerda 12 soat davomida qolib ketgan va tashqariga chiqishga muvaffaq bo‘lgan.
Erkak mart oyida qotillikka uringanlik bo‘yicha aybini tan olgan. Uning advokatiga ko‘ra, erkak travmadan keyingi stressdan aziyat chekkan, xatti-harakatlariga ta’sir qilgan “juda ko‘plab dori-darmonlar” qabul qilgan.
Ayblanuvchining o‘zi “har kuni afsus va pushaymonlik hissi bilan uyg‘onishini” aytgan. Sud jarayonida ayol farzandlari bilan hamon qo‘rquvda kun kechirishi, turmush o‘rtog‘i unga ruhiy va jismoniy zarar yetkazganini bildirgan.
Izoh (0)