Navoiy viloyatida joylashgan 5 ta tarixiy obyekt YuNESKO Butunjahon madaniy merosi yodgorliklari ro‘yxatiga kiritildi, deya xabar bermoqda viloyat hokimligi axborot xizmati.
Qayd etilishicha, Prezidentning 2019-yil 12–13-mart kunlari Navoiy viloyatiga tashrifi davomida berilgan topshirig‘i va kengaytirilgan tarzda o‘tkazilgan 11-sonli yig‘ilish bayonining 107-bandiga muvofiq “Buyuk Ipak Yo‘li”ning Zarafshon—Qoraqum qismida joylashgan “Qosim Shayx”, “Mirsaid Bahrom”, “Raboti Malik”, “Sardoba”, “Mavlono Orif Deggaroniy” madaniy meros obyektlarini YuNESKOning Butunjahon madaniy merosi yodgorliklari ro‘yxatiga kiritish vazifasi topshirilgan.
Mazkur topshiriq ijrosi yuzasidan yuqorida ko‘rsatilgan obyektlarni YuNESKOning Butunjahon madaniy merosi ro‘yxatiga kiritish bo‘yicha 2019-yilning 20-may kuni viloyat turizmni rivojlantirish hududiy boshqarmasi va O‘rta Osiyo Xalqaro tadqiqotlar instituti (IICAI) o‘rtasida loyihaning umumiy qiymati 11 00,0 million so‘mlik ikki tomonlama shartnoma imzolandi.
Ma’lum qilinishicha, “Qosim Shayx”, “Mirsaid Bahrom”, “Raboti Malik”, “Sardoba”, “Mavlono Orif Deggaroniy” madaniy meros obyektlarini YuNESKOning Butunjahon madaniy merosi yodgorliklari ro‘yxatiga kiritish ishlari 2021-yilning aprel oyida to‘liq yakunlanadi.
Izoh (0)