Қозоғистонда 6 та йўналиш бўйича тўртта давлатга халқаро рейслар тикланди

Қозоғистонда 4 та давлатга 6 та йўналишда халқаро рейслар тикланди, деб хабар бермоқда Қозоғистон Саноат ва инфратузилмани ривожлантириш вазирлигининг ахборот хизматига таяниб Kazinform.

Идоралараро комиссиянинг 2020 йил 11 августдаги қарорига биноан, 2020 йилнинг 17 августидан бошлаб, Қозоғистон ҳафтасига 23 маротаба такрорланадиган 6 йўналиш бўйича 4 давлатга халқаро рейсларни босқичма-босқич тиклади.

Булар:

• 17 августдан БАА (11 та рейс): Олмаота—Дубай (6 та рейс) ва Нур-Султон—Дубай (5 та рейс);
• 18 августдан Германияга (5 та рейс): Нур-Султон—Франкфурт (5 та рейс);
• 19 августдан Беларусь (4 та рейс): Олмаота—Минск (2 та рейс) ва Нур-Султон—Минск (2 та рейс);
• 19 августдан Украина (3 та рейс): Олмаота—Киев (3 та рейс).

Рейслар транспортда бош санитария врачининг буйруғига биноан санитария хавфсизлиги чоралари кучайтирилган шароитда амалга оширилади. Мамлакатдаги барча аэропортларда зарарсизлантириш чоралари кучайтирилган, санитария воситалари ўрнатилган ва карантин чоралари кўрилмоқда. Бинонинг кириш қисмида йўловчиларнинг тана ҳарорати ўлчанади.