UFC. Frenki Edgar Pedro Munyosni taslim etdi, asosiy kardning 3 ta jangi 1-raunddayoq yakunlandi

AQShning Las-Vegas shahrida Toshkent vaqti bilan 23-avgust tongida UFC on ESPN 15 musobaqasi bo‘lib o‘tdi.

Kechaning asosiy jangi yengil vazn sobiq chempioni Frenki Edgar (24-8-1) va Pedro Munyos (18-5) o‘rtasida kechdi. Unda Edgar hakamlar qaroriga ko‘ra (48-47, 46-49, 48-47) braziliyalik yakkakurashchidan ustun keldi.

Asosiy karddan o‘rin olgan Ovins Sen-Pryu (24-14) va Alonzo Manifild (9-1) o‘rtasidagi jang bekor qilindi. Sababi Sen-Pryuning musobaqadan avval topshirgan testi koronavirusga ijobiy natija bergan.

Qolgan janglar natijasi bilan tanishing:

• Mayk Rodriges (11-4) 1-raundda Martsin Praxneni (13-5) nokautga uchratdi;
• Jo Soletski (10-2) birinchi raundda og‘ritish usuli bilan Ostin Habbartdan (12-5) ustun keldi;
• Shena Dobson (4-4) ikkinchi raundda texnik nokaut evaziga Mariya Agapovani (9-2) taslim etdi;
• Daniel Rodriges (13-1) birinchi raundda Duayt Grantni (10-3) nokautga uchratdi.