UFC. Фрэнки Эдгар Педро Муньосни таслим этди, асосий карднинг 3 та жанги 1-раунддаёқ якунланди

АҚШнинг Лас-Вегас шаҳрида Тошкент вақти билан 23 август тонгида UFC on ESPN 15 мусобақаси бўлиб ўтди.

Кечанинг асосий жанги енгил вазн собиқ чемпиони Фрэнки Эдгар (24-8-1) ва Педро Муньос (18-5) ўртасида кечди. Унда Эдгар ҳакамлар қарорига кўра (48-47, 46-49, 48-47) бразилиялик яккакурашчидан устун келди.

Асосий карддан ўрин олган Овинс Сен-Прю (24-14) ва Алонзо Манифилд (9-1) ўртасидаги жанг бекор қилинди. Сабаби Сен-Прюнинг мусобақадан аввал топширган тести коронавирусга ижобий натижа берган.

Қолган жанглар натижаси билан танишинг:

• Майк Родригес (11-4) 1-раундда Мартсин Прахнени (13-5) нокаутга учратди;
• Жо Солецки (10-2) биринчи раундда оғритиш усули билан Остин Ҳаббартдан (12-5) устун келди;
• Шена Добсон (4-4) иккинчи раундда техник нокаут эвазига Мария Агаповани (9-2) таслим этди;
• Даниэль Родригес (13-1) биринчи раундда Дуайт Грантни (10-3) нокаутга учратди.