Samyuel Eto’O: Agar Messi “Barselona”dan ketsa, jamoa nomini o‘zgartirishga to‘g‘ri keladi

“Barselona” sobiq hujumchisi Samyuel Eto’O Lionel Messining katalon klubidan ketish ehtimoli haqidagi fikrlari bilan o‘rtoqlashdi.

Agar Messi ketishga qaror qilsa, klub nomini o‘zgartirishga to‘g‘ri keladi. Messi faoliyatini “Barselona”da tugatishi uchun hamma narsani qilish lozim.

“Barselona” — bu Messi. Men “Barselona”ning o‘z holiga qaytishini va keyingi mavsumda muvaffaqiyat qozonishini xohlayman. Rahbariyat klub foydasi uchun qaror qabul qiladi deb umid qilaman.

Samyuel Eto’O, “Barselona” sobiq futbolchisi

Eslatib o‘tamiz, avvalroq Messining shu yozda klubni tark etmoqchi ekani to‘g‘risida xabar berilgandi. Unga hozirda “Inter” va “Manchester Siti”dan qiziqish borligi ta’kidlanmoqda.