Blogerlar qaysi avtomobil baquvvatroq ekanligini aniqlash uchun “Buxanka” va Mercedes-Benz’ni oldma-old to‘qnashtirdi (video)

YouTube’dagi ddKaba kanalida “Oldma-old” seriyasi ostida navbatdagi videorolik paydo bo‘ldi. Bu safar blogerlar sovet davrining afsonaviy avtomobillaridan biri — “UAZ-2206”dan foydalandi.

Videoblogerlar ikki avtomobil tezligini maksimal darajada oshirib, to‘qnashuv sodir etishda maxsus katapultadan foydalangan. To‘qnashuv vaqtidagi umumiy tezlik 50-60 km/soat tezlikni tashkil etgan.

“Buxanka” modeliga an’anaviy ravishda Mercedes-Benz modeli raqiblik qilgan. Bu safar MB 100 D mikroavtobusidan foydalanilgan. Bu old uztamali avtomobil bo‘lsa ham “Buxanka” bilan ko‘plab bog‘liqligi bor. Bu rom qismi, o‘rindiqlar orasidagi dvigatel va o‘xshash o‘lchamlar.

To‘qnashuv davomida “Buxanka” nemis mikroavtobusidan biroz mustahkam ekanligi ma’lum bo‘ldi. Biroq old qismi va haydovchilik o‘rnining deformatsiyasi ikkala holatda ham achinarli ahvolga kelib qolgan.

Avvalroq kanal mualliflari “Gelendvagen” va “UAZ” yo‘ltanlamasi oldma-old to‘qnashtirilgan edi.