UFC prezidenti Deyna Uayt yengil vazn chempioni Habib Nurmagomedov hamda promoushenning ikki vazn toifasidagi sobiq chempioni Jorj Sen-Pyer o‘rtasida jang tashkil etishi imkoniyatlari haqida gapirdi.
Habib — Getji jangi nima bilan tugar ekan. Ko‘ramiz. Avval ushbu jang bo‘lib o‘tishi lozim. Biz Sen-Pyerni endigina UFC’ning fransuz tilidagi janglar sharhlovchisi bo‘lishiga erishdik. Men esa Jorjni aynan shu rolda ko‘proq ko‘rishni istardim.Qayd etish joiz, Habib Nurmagomedov avvalroq Jastin Getjidan so‘ng aynan Jorj Sen-Pyer bilan jang qilmoqchiligini ma’lum qilgandi.Dunyoda sportdan eng cho‘qqiga chiqqan vaqtda keta olganlar kam. Ammo Sen-Pyer buning uddasidan chiqa olgan. Hozir uning puli yetarli va unga ortiqchasi kerak emas. U hozir umuman boshqa sohada ishlamoqda. Va men ham uning hammasini cho‘qqida tugatgan inson sifatida qolishini xohlardim.
Deyna Uayt, UFC prezidenti
Eslatib o‘tamiz, Jorj Sen-Pyer 2019-yilning fevral oyida rasmiy ravishda MMA’dagi faoliyatini yakunlagan. Sen-Pyer umumiy hisobda 28 ta jang o‘tkazib, shulardan 26 tasida g‘alaba (8 ta nokaut) qozongan, 2 tasida esa imkoniyatni boy berib qo‘ygan.
Habib Nurmagomedovning raqibini 1-raunddayoq nokautga uchratgan jangini tomosha qiling (video)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)