Трансфери ҳуқуқи «Манчестер Юнайтед»га тегишли бўлган чилилик футболчи Алексис Санчес фаолиятини тўлақонли тарзда «Интер»да давом эттирадиган бўлди. Бу ҳақда миланликлар матбуот хизмати хабар берди.
31 ёшли футболчи «Интер» билан 2023 йил 30 июнига қадар мўлжалланган битим имзолади. Қайд этилишича, миланликлар Санчесни текинга қўлга киритди. Алексис «Манчестер Юнайтед» билан шартномасини бекор қилган ҳолда «Интер» билан эркин агент сифатида шартнома тузган.
Аввалроқ Санчеснинг «Интер»да йилига 7 миллион евро маош олиши маълум бўлганди.
Алексис Санчес 2019/20 йилги мавсумни ижара асосида айнан «Интер» сафида ўтказди. У клуб сафида барча мусобақаларда 29 та ўйин ўтказиб, 4 та гол урди ва 10 та голли узатмани амалга оширди. Ҳакамлар томонидан 3 та сариқ ва 1 та қизил карточка билан сийланди.
Мавзуга доир:
- Бир неча йил олдин дунёнинг энг яхши футболчиларидан бири бўлган, ҳозир эса ҳеч кимга керак бўлмай қолган Алексис Санчес ҳақида
- Санчесдан Рабиогача. А Сериянинг сўнгги 2 йилдаги энг омадсиз трансферларидан иборат рамзий терма жамоа
- Ҳафтасига деярли 5 млрд сўм. Ҳаддан ташқари катта маош олаётган футбол юлдузлари
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)