Futbol bo‘yicha Angliya chempionatining 37-turida “Arsenal” 21-iyul, seshanba kuni “Aston Villa” maydoniga safar qildi.
Uchrashuvdagi yagona gol 27-daqiqasida maydon egalarining misrlik legioneri Mahmud Hassan (Trezege) tomonidan urildi.
Mazkur g‘alabadan keyin birmengemliklar 34 ochko bilan xavfli zonani tark etdi va 17-o‘ringa ko‘tarilib oldi. “Arsenal” (53) esa 10-pog‘onada qoldi.
So‘nggi turda “Arsenal” o‘z uyida “Uotford”ni qabul qilsa, “Aston Villa” jamoasi “Vest Hem” maydoniga safar qiladi.
APL
37-tur bahsi
21-iyul, seshanba
“Aston Villa” — “Arsenal” 1:0
Gol: 1:0 – 27 Trezege.“Aston Villa”: Reyna, Al-Muhammadi (Gilber, 25), Konsa, Mingz, Targett, Duglas Luis, Huriheyn (Nakamba, 73), Trezege, Makginn (Lensberi, 90), Grilish, Samatta (Devis, 72).
“Arsenal”: Martines, David Luiz (Pepe, 60), Holding, Kolashinats, Soaresh (Uillok, 79), Torreyra (Jaka, 46), Sebalyos, Saka (Tirni, 60), Obameyang, Lyakazett, Nketia.
Ogohlantirishlar: Torreyra (35), Lyakazett (61), Duglas Luis (71), Kolashinats (80), Targett (87), Uillok (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)