“Tugallanmagan sevgi doirasi” filmining suratga olish jamoasidagi vizajistlardan birida koronavirus aniqlangan. Shundan keyin loyiha rahbariyati Sog‘liqni saqlash vazirligiga xabar bergan va suratga olish maydonchasida hamma xavfsizlik qoidalariga amal qilgani uchun loyihani davom ettirishga ruxsat berilgan.
Aktyor Burak Deniz Bebek tumanida jurnalistlar e’tiboridan chetda qolmagan. U virus bilan zararlangan hamkasbi haqida ma’lumot berib, mototsikl haydovchisi bilan yuz bergan halokatga izoh bergan. Burak bu kabi hodisa hamma bilan ham yuz berishi mumkinligi va asosiysi hech kim jiddiy jarohat olmagani, shunchaki moddiy zarar ko‘rganini bildirgan. Ma’lumot uchun aktyor halokatdan keyin jarima to‘lashdan tashqari 6 oyga haydovchilik guvohnomasidan ham ayrilgan.
Aktyor Kenan Dogulu esa jurnalistlarga Beren Saat bilan ajrashishi haqidagi har qanday mish-mishga ishonish kerakmasligi va bu kabi xabarlardan charchaganini bildirgan.
Yana bir mashhur aktyor Chagatay Ulusay va Duygu Sarishin ham Marmaris sohilida jurnalistlar obyektividan chetda qolmagan. Posta nashrida yozilishicha, aktyor “Barbaros” serialida suratga tushish uchun 15 kilo vazn to‘plashiga to‘g‘ri kelgan. Asosiysi esa matbuot va internetda ajralgani haqida turli mish-mishlar tarqalganiga qaramay, Chagatay va Duygu baxtiyor ko‘ringan.
YuNISEF’ning ko‘ngilli elchilaridan biri bo‘lgan Kivanch Tatlitug va Tuba Buyukustun 26—27-iyun kunlari “Har bola uchun orzum” nomli xayriya aksiyasini qo‘llab-quvvatlagan. Ta’kidlanishicha, xayriyada yig‘ilgan mablag‘lar 3000 bolaning uyda ta’lim olishi uchun kerakli jihozlar olishga sarflanadi.
27-iyun kuni premyerasi bo‘lib o‘tgan “Janob xato” seriali yulduzi Jan Yaman filmning maqsadi ayni vaqtdagi qiyin vaziyatda kishilarni zeriktirmaslik va vaqtini maroqli o‘tkazishiga hissa qo‘shishdan iborat ekanini bildirgan.
8-iyul kuni Fox kanalida premyerasi bo‘lib o‘tgan, Hande Erchel va Kerem Byursin rol ijro qilgan “Eshigimni taqillat” serialining ikkinchi qismi ham efiga uzatilgan va film reytingi aynan ushbu kanalda muxlislarga taqdim qilinayotgan “Janob xato”dan ilgarilab ketgan.
Izoh (0)