«Тугалланмаган севги доираси» фильмининг суратга олиш жамоасидаги визажистлардан бирида коронавирус аниқланган. Шундан кейин лойиҳа раҳбарияти Соғлиқни сақлаш вазирлигига хабар берган ва суратга олиш майдончасида ҳамма хавфсизлик қоидаларига амал қилгани учун лойиҳани давом эттиришга рухсат берилган.
Актёр Бурак Дениз Бебек туманида журналистлар эътиборидан четда қолмаган. У вирус билан зарарланган ҳамкасби ҳақида маълумот бериб, мотоцикл ҳайдовчиси билан юз берган ҳалокатга изоҳ берган. Бурак бу каби ҳодиса ҳамма билан ҳам юз бериши мумкинлиги ва асосийси ҳеч ким жиддий жароҳат олмагани, шунчаки моддий зарар кўрганини билдирган. Маълумот учун актёр ҳалокатдан кейин жарима тўлашдан ташқари 6 ойга ҳайдовчилик гувоҳномасидан ҳам айрилган.
Актёр Кенан Догулу эса журналистларга Берен Саат билан ажрашиши ҳақидаги ҳар қандай миш-мишга ишониш керакмаслиги ва бу каби хабарлардан чарчаганини билдирган.
Яна бир машҳур актёр Чагатай Улусай ва Дуйгу Саришин ҳам Мармарис соҳилида журналистлар объективидан четда қолмаган. Posta нашрида ёзилишича, актёр «Барбарос» сериалида суратга тушиш учун 15 кило вазн тўплашига тўғри келган. Асосийси эса матбуот ва интернетда ажралгани ҳақида турли миш-мишлар тарқалганига қарамай, Чагатай ва Дуйгу бахтиёр кўринган.
ЮНИСЕФънинг кўнгилли элчиларидан бири бўлган Киванч Татлитуг ва Туба Буюкустун 26—27 июнь кунлари «Ҳар бола учун орзум» номли хайрия акциясини қўллаб-қувватлаган. Таъкидланишича, хайрияда йиғилган маблағлар 3000 боланинг уйда таълим олиши учун керакли жиҳозлар олишга сарфланади.
27 июнь куни премьераси бўлиб ўтган «Жаноб хато» сериали юлдузи Жан Яман фильмнинг мақсади айни вақтдаги қийин вазиятда кишиларни зериктирмаслик ва вақтини мароқли ўтказишига ҳисса қўшишдан иборат эканини билдирган.
8 июль куни Fox каналида премьераси бўлиб ўтган, Ҳанде Эрчел ва Керем Бюрсин роль ижро қилган «Эшигимни тақиллат» сериалининг иккинчи қисми ҳам эфига узатилган ва фильм рейтинги айнан ушбу каналда мухлисларга тақдим қилинаётган «Жаноб хато»дан илгарилаб кетган.
Изоҳ (0)