UFC asoschisi Art Deyvi promoushen tarixidagi ilk rossiyalik chempion sifatida Habib Nurmagomedovni emas, Oleg Taktarovni tan olishini aytdi.
“Taktarov — UFC chempioniga aylangan ilk rossiyalik. UFC 6 musobaqasida u chempionlik kamariga ega chiqqandi. Bunday musobaqada g‘alaba qozonish uchun bir kechaning o‘zida uch xil raqibni mag‘lub etish kerak bo‘lgan.
Men Habibning natijalarini hurmat qilaman, biroq u yiliga ikki bor jang qiladi, xolos. Bir kunda uchta jang o‘tkazishni tasavvur qilib ko‘ring, sen matbuot anjumanigacha, bong chalinguniga qadar raqibining kimligini bilmaysan. Bunaqasi hozirgi kunda aqlga sig‘maydi.
Shuningdek, u vaqtda qoidalar ham boshqacha edi, yiqilgan raqibga istalgan usulda zarba berish mumkin edi, hatto tirsak bilan ham. Bu juda og‘ir. Shunday ekan Oleg — rossiyalik ilk chempion, buni unutib bo‘lmaydi”, — deydi Deyvi.
Ma’lumot uchun, Taktarov 1995-yilning 14-iyulida UFC 6 musobaqasida Gran-pri kamariga ega chiqqan. Habib Nurmagomedov esa 2018-yilning 7-aprelida yengil vazn chempioniga aylangandi.
Izoh (0)