Bugun,

  • USD 11095.31
  • RUB 173.84
  • EUR 10772.44

Toshkent viloyatining Nurafshon shahrida jami 37 tup har xil turdagi manzarali daraxtlar kesib tashlangani aniqlandi. Bu haqda Davlat ekologiya qo‘mitasi matbuot xizmati xabar berdi.

6-iyul kuni Toshkent viloyati ekologiya va atrof-muhitni muhofaza qilish boshqarmasi davlat inspektorlari tomonidan olib borilgan tezkor reyd davomida Nurafshon shahri “Qorasuv” mahallasi, Toshkent yo‘li ko‘chasi, 4R-2 avtomobil yo‘lining To‘ytepa tekstil fabrikasigacha bo‘lgan qismida jami 37 tup har xil turdagi manzarali daraxtlar kesib tashlangani aniqlangan.

Oqibatda “O‘simlik dunyosini muhofaza qilish va undan foydalanish to‘g‘risida”gi qonunning 37 va 45-moddalari talablari buzilgan, o‘simlik dunyosiga 1,1 milliard so‘m zarar yetkazilgan.

Holat yuzasidan qonunbuzarlarga nisbatan qonuniy chora ko‘rish hamda yetkazilgan zararni undirish maqsadida to‘plangan hujjatlar prokuratura organlariga yuborilgan.

Eslatib o‘tamiz, Prezidentning tegishli farmoni bilan davlat o‘rmon fondiga kirmaydigan daraxtlar va butalar qimmatbaho navlarining kesilishiga 2019-yil 1-noyabrdan 2020-yil 31-dekabrgacha moratoriy joriy etilgan. Shunga qaramay, joylarda daraxtlarning noqonuniy kesilish holatlari sodir bo‘lmoqda.

Xususan, 2020-yilning fevral oyida Toshkentda tadbirkor 81 ta daraxtni kesib tashlagani aniqlangandi. Uning o‘simlik dunyosiga yetkazilgan zarari 603 million 421 ming so‘mni tashkil etgan. Mamlakat rahbariyati tomonidan qonunbuzarlarga nisbatan ayovsiz chora ko‘rilgan. 2 nafar ayblanuvchidan 1 milliard 891,3 million so‘m moddiy zarar undirildi, bir qator mas’ullar hayfsan oldi.

Shu voqeadan so‘ng Toshkent shahar prokurori Bahriddin Valiyev shaharning har bir tumanida bir million donadan daraxt ekilish aksiyasi o‘tkazilishini e’lon qilgandi. Biroq u qachon o‘tkazilishi va daraxtlar qachongacha o‘tqazib bo‘linishi rejalashtirilgani ochiqlanmagan.

Aprel oyida esa Sirdaryo va Nurafshon tumanlari hokim o‘rinbosarlari daraxtlarni noqonuniy kesishga buyruq bergani aniqlangandi.

Izoh
Asosiy yangiliklar
Dunyo
General Pyotr Pavel Chexiyaning yangi prezidenti etib saylandi
Dunyo
Amerikadagi rus mafiyasi boshlig‘iga aylanib, Rossiyada o‘lim topgan “qonundagi o‘g‘ri” — “Yaponchik”. Kun xronologiyasida 29-yanvar
Mahalliy
“O‘tgan yil davomida ichki ishlar xodimlari bilan bog‘liq 644 ta salbiy video tarqalgan” — Shohrux G‘iyosov