“Manchester Yunayted” hujumchisi Markus Reshfordga PSJ jamoasidan qiziqish bo‘lmoqda, deya xabar qilmoqda The Independent.
22 yoshli futbolchi parijliklar klubining asosiy transfer maqsadi bo‘lib turibdi. PSJ bosh murabbiyi Tomas Tuxel angliyalik iqtidor egasini o‘z jamoasida ko‘rmoqchi.
“Manchester Yunayted” Reshfordni qadrlaydi va o‘z tarbiyalanuvchisini qo‘yib yuborish niyatida emas, biroq jamoa uni ushlab qolishga ko‘zi yetmasa 100 million funt evaziga sotishga rozi bo‘lishi mumkin.
Reshfordning “qizil iblislar” bilan amaldagi shartnomasi 2023-yilning yoziga qadar mo‘ljallangan. Shuningdek, ingliz klubi bitimni yana bir yilga uzaytirish huquqiga ega.
Hujumchi joriy mavsum “Manchester Yunayted” safida 38 o‘yin o‘tkazib, 21 gol va 10 ta golli uzatma muallifiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)